11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Ռուսաստանը նախազգուշացրել է Ուկրաինային զերծ մնալ Դոնբասում ուժային սցենարից․ Զախարովա
Քաղաքականություն
12.03.2021 | 16:23
Ռուսաստանը նախազգուշացրել է Ուկրաինայի իշխանություններին զերծ մնալ Դոնբասում ուժային սցենարի հետագա սրման և իրականացման փորձերից: Այս մասին այսօր տեղի ունեցած ճեպազրույցում ասել է Ռուսաստանի Դաշնության Արտաքին գործերի նախարարության պաշտոնական ներկայացուցիչ Մարիա Զախարովան:
«Կցանկանայինք նախազգուշացնել Կիևի ռեժիմին, դրան ծառայող ու մանիպուլացնող տաք գլուխներին` զերծ մնալ հետագա սրացումից և Դոնբասում ուժային սցենար իրականացնելու փորձերից», – ասել է նա ՝ մեկնաբանելով Դոնբասում հակամարտության կարգավորման վերաբերյալ կոնտակտային խմբում Ուկրաինայի պատվիրակության ղեկավար Լեոնիդ Կրավչուկի՝ Կիևի կողմից «արմատական քայլերի» մասին հայտարարությանը:
Ուկրաինայի իշխանությունների ներկայացուցիչների հռետորաբանությունը, ըստ Զախարովայի, «ստիպում է մտածել Կիևի իրական մտադրությունների մասին այս պատմական շրջանում»:
«Հերթական անգամ մենք Ուկրաինայի իշխանություններին հորդորում ենք դադարեցնել ինչ-որ նոր պայմանագրեր, նոր փաստաթղթեր հորինելը և, վերջապես, ձեռնամուխ լինել Մինսկի համաձայնագրով ստանձնած իրենց պարտավորությունների բարեխիղճ կատարմանը», – հայտարարել է նա:
Տաթև Ֆռանգյան
