31.10.2026 | 22:55
Հայտնաբերվել է զինծառայողի դի. ՊՆ
10 ադրբեջանցի է մահացել Արցախում թալանի գնալիս, ՏՄՊՊՀ-ն վառելիքի թանկացում է արձանագրել. Լուրեր
Քաղաքականություն
11.03.2021 | 18:02
Արցախի գրավյալ տարածքներում ականի վրա պայթելու հետևանքով առնվազն 10 ադրբեջանցի է զոհվել հրադադարի հայտարարությունից հետո։ Այսպիսի տվյալներ ներկայացրել է ադրբեջանական դատախազությունը։ Այս թիվը չի ներառում ականների վրա պայթած զինծառայողներին, որոնց թիվը հայտնի չէ։
—
Նախագահ Արմեն Սարգսյանն այսօր հեռախոսազրույց է ունեցել Էստոնիայի նախագահ Կերստի Կալյուլայդի հետ՝ էստոնական կողմի նախաձեռնությամբ: Զրուցակիցներն անդրադարձել են պատերազմից հետո ստեղծված իրողություններին, ի հայտ եկած նոր մարտահրավերներին, մարդասիրական և մի շարք այլ խնդիրների: Նախագահ Սարգսյանն առանցքային է համարել Ադրբեջանում պահվող հայ գերիների վերադարձի, ինչպես նաև անհետ կորած անձանց հայտնաբերման խնդիրները
—
Արցախի նախագահ Արայիկ Հարությունյանը մարտի 11-ին ընդունել է «Միացյալ Հայաստան» կուսակցության պատվիրակությանը՝ կուսակցության ղեկավար Վահան Բադասյանի գլխավորությամբ: Հարությունյանը նշել է, որ իրեն ներկայացված ծրագրային առաջարկներն ընդունելի են, և պատրաստ է համագործակցության:
—
Տնտեսական մրցակցության պաշտպանության պետական հանձնաժողովը դեկտեմբերի 1-ից մինչև հունվարի 14-ն արձանագրել է վառելիքի տարբեր տեսակների իրացման գների թանկացումներ 10-ից մինչև 30 դրամի սահմաններում։
