19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
ԼՀԿ-ն ընտրության է գնում իշխանություն վերցնելու նպատակով. Անի Սամսոնյան. ՏԵՍԱՆՅՈՒԹ
Քաղաքականություն
11.03.2021 | 14:28
«Դուք ի՞նչ եք կարծում, մենք նստել ու հաշվարկներ ենք արել, թե քանի տոկոս ունենք, որ պահանջենք արտահերթ ընտրություններ»,- ԱԺ-ում լրագրողների հետ զրույցում ասաց «Լուսավոր Հայաստան» խմբակցության պատգամավոր Անի Սամսոնյանը՝ անդրադառնալով դիտարկմանը, որ միջազգային հարցման համաձայն՝ ԼՀԿ-ն մեկ տոկոս կհավաքի ընտրություններին:
«Մենք պահանջում ենք արտահերթ ընտրություններ, որովհետև այլ ելք չկա երկրում այս խնդիրը լուծելու համար։ Արտահերթ ընտրությունն այն կարմիր գիծն է, որը մենք պիտի քաշենք, որ երկիրն ընկնի զարգացման ռելսերի վրա։ Եթե ինքս իմանամ մյուս Խորհրդարանում պատգամավոր չեմ լինի, դա ինձ համար որևէ նշանակություն չունի։ Որպես պատգամավոր ինձ էլ հաճելի չէ աշխատել մի երկրում, որն անընդհատ հիվանդի պես ցնցվում է»։
Անի Սամսոնյանն ընդգծեց, որ եթե երկրում կազմակերպվեն արտահերթ խորհրդարանական ընտրություններ, ապա ԼՀԿ-ն մասնակցելու է և մասնակցելու է իշխանություն վերցնելու նպատակով։
«Այլևս իմաստ չկա վարչապետի շարունակել բանակցությունները. «Եթե մեկը կամք չունի քեզ հետ քո օրակարգի և իր օրակարգի շուրջ բանակցելու և այդ օրակարգը կյանքի կոչելու, ապա որևէ իմաստ չկա նույնիսկ այդ մարդու հետ խոսելու։ Հստակ ժամկետներ էինք ասել, որ օրինակ՝ մարտի 8-ին հրաժարական տվեք, թող լինեն ընտրություններ։ Տեսանք, որ վարչապետը շարունակում է ընկնել ինչ-որ անձանց հետևից, թողած երկրի գլխավոր օրակարգը, դա նշանակում է, որ այս մարդը չի ուզում այս հարցը լուծել»,- նշեց պատգամավորը։ Նա նաև հավելեց, որ «Իմ քայլի» ներսում նույնպես մեծ հակասություններ կան այդ հարցի շուրջ:
Մանրամասները՝ տեսանյութում:
