18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Պետք է հեռանան, իրենք իրենց սպառել են. Արամոն՝ իշխանություններին. ՏԵՍԱՆՅՈՒԹ
Քաղաքականություն
10.03.2021 | 16:38
«Պատերազմից հետո նորմալ պետություններում պարտված երկրի ղեկավարները հրաժարական են տալիս, բայց հիմա տեսնում ենք, որ ոչ ոք չի ուզում հրաժարական տալ… Կարծում եմ՝ խոհեմ քայլ կլինի, եթե իշխանությունը հրաժարական տա»,- այս մասին Factor.am-ի հետ զրույցում նշեց երգիչ Արամոն, ով ևս միացել է վարչապետ Նիկոլ Փաշինյանի հրաժարականը պահանջողներին:
«Այստեղ հնի ու նորի հարց չէ, պետք է երրորդ ուժ լինի, հենց թող զինվորականները երկրի կառավարումը վերցնեն իրենց ձեռքի տակ, որ հին ու նոր չասեն: Հենց «սևի ու սպիտակի» հիմար թեզը մեր ժողովրդին ջարդեց, տարանջատեց երկու մասի, բայց բոլորս հայ ենք, բոլորս ցավում ենք մեր երկրի համար: Թող կառավարումը լինի զինվրականների ուժի տակ, վարչապետի ու կառավարության հրաժարականից հետո թող ընտրություններ լինեն: Այս իշխանություններն իրենց սպառել են, պետք է հեռանան. խաբկանքն ու սուտը շատ է եղել, և այդ ստից ամեն ինչ պայթեց»,- ընդգծեց երգիչը:
Արամոն հավելեց, որ կոշտ քայլերի դիմելուն դեմ է. «Բայց ժողովրդի համբերությունը լցվել է, քանի որ հայրենիք ենք կորցրել, և դեռ մաս-մաս կորցնում ենք»:
Մանրամասները՝ տեսանյութում:
