19.01.2026 | 10:16
Քննարկվել է «Հնդիկ աշխատանքային միգրանտների մարդու իրավունքների իրավիճակը Հայաստանում» զեկույցը
Տեղեկություն ունեմ՝ Փաշինյանի թիմն ընտրություններ չի ուզում, իրենց ներսում մեծ խնդիր կա. Մարուքյան. ՏԵՍԱՆՅՈՒԹ
Քաղաքականություն
10.03.2021 | 15:34
Արտահերթ ընտրությունները մեր օրակարգում են. երկիրը այս ճգնաժամից հանելու միակ ճանապարհը արտահերթ ընտրություններն են։ Գնդակը իշխանության դաշտում է: Իշխանությունն ունի զիջումների մեծ գործիքակազմ, բայց գնում է կործանարար ճանապարհով՝ կապրիզներ դրսևորելով: Այս մասին լրագրողների հետ զրույցում նշեց «Լուսավոր Հայաստան» խմբակցության ղեկավար Էդմոն Մարուքյանը:
«Ես հիմա տեղեկություն ունեմ, որ իրենք ոչ մի ընտրություն չեն ուզում անել, ես տեղեկություն ունեմ, որ իրենց ներսում մեծ խնդիր կա, նախարարներ, որոնք պատահական դարձել են նախարար, պատգամավորներ, որոնք բախտի բերմամբ դարձել են պատգամավոր, այս բոլոր մարդիկ դեմ են ընտրություններին։ Առանց նախապայմանների մենք պատրաստ ենք ընտրություններին դեռևս հունվարից: Առանց նախապայմանների ընտրություններ նշանակում է՝ ցրե՛ք խորհրդարանը, գնացե՛ք արտահերթ ընտրությունների։ Ուզո՞ւմ եք հուշագիր, 88 հատ թուղթ ստորագրեք ձեր 88 հոգու հետ, այսինքն՝ սրանից արձանագրում ենք, որ ընտրական պրոցեսի իբր թե ջատագովումը (լոբբիմգը) իշխանությունների կողմից ֆեյք է, դա կեղծ օրակարագ է…
Իշխանությունը ոչ մի զիջման չի գնացել, և դա լկտի սուտ է, և մենք հերիք ու բոլ եղավ, որ այդ ստի թելը թելենք։ Ոնց որ Շուշին է ընկել, այդպես էլ այս իշխանությունն է ընկնում, այսինքն՝ այնքան ձգում է, որ ամբողջությամբ կործանվի, պետականությունն էլ հետն է կործանելու»,- ասաց Մարուքյան։
Մանրամասները՝ տեսանյութում:
