17.09.2026 | 13:52
Հորս մասով փորձում է հաճոյանալ Ալիևին. Լևոն Քոչարյանը՝ Փաշինյանի մասին․ ՏԵՍԱՆՅՈՒԹ
Լիլիթ Մակունցը՝ Օնիկ Գասպարյանի ազատման մասին
Քաղաքականություն
10.03.2021 | 14:56
ԳՇ պետ Օնիկ Գասպարյանն արդեն հայտարարել է Վարչական դատարան դիմելու մասին և նշել, որ այլ կարգավիճակով կշարունակի ծառայությունը հայրենիքին և հայ ժողովրդին: Անդրադառնալով այս դիտարկմանը՝ «Իմ քայլը» խմբակցության ղեկավար Լիլիթ Մակունցը լրագրողների հետ զրույցում նշեց. «Կարծում եմ՝ այդ դրվագի հետ կապված՝ շատերի մոտ հարց է առաջացել, թե ինչ կարգավիճակով է պատկերացնում պարոն Գասպարյանն իր ծառայությունը: Կսպասենք, երբ պարոն Գասպարյանը նպատակահարմար կգտնի, ինքը կներկայացնի: Ինքս չեմ կարող ասել»:
Հարցին, թե արժե՞ր մեկ հայտարարության համար ազատել Օնիկ Գասպարյանին, ում հասցեին իշխանությունները միայն գովեստի խոսքեր էին հնչում, Մակունցը պատասխանեց. «Բոլորս արձանագրել ենք, որ զինվորականների կողմից քաղաքականությանը միջամտությունն անընդունելի է, ինչի հետ կապված եղել է արձագանք: Պատահական չէ, որ տարբեր երկրներից այդ հայտարարության հետ կապված եղան արձագանքներ: Խոսքը ԵԽԽՎ-ի, ԵԱՀԿ-ի, ՄԱԿ-ի, ԱՄՆ-ի, Ռուսաստանի և այլ երկրների մասին է:
Եվ խնդրում եմ՝ պետք չէ անընդհատ մեջբերել մեր հակառակորդ ու թշնամի պետությունների ղեկավար անձանց ելույթները, որովհետև դրանով որևէ կերպ մեր երկրին լավություն չենք անում»:
Մակունցը նաև ընդգծեց, որ բանակի շուրջ զարգացումները և ԳՇ հայտարարությունը որևէ կերպ չի կապում քաղաքական գործընթացների, այդ թվում արտահերթ ընտրությունների հետ:
