08.11.2024 | 11:32
Գյումրու ավագանու նիստը հետաձգվել Է. քվորում չկա․ ՏԵՍԱՆՅՈՒԹ
ՀԱՊԿ-ի Հավաքական անվտանգության խորհրդի հերթական նստաշրջանը կկայանա տարեվերջին
Քաղաքականություն
10.03.2021 | 12:21
Հավաքական անվտանգության պայմանագրի կազմակերպության (ՀԱՊԿ) Հավաքական անվտանգության խորհրդի հերթական նստաշրջանը տեղի կունենա այս տարվա չորրորդ եռամսյակում Տաջիկստանում: Այս մասին չորեքշաբթի օրը հաղորդել է Ղազախստանի Արտաքին գործերի նախարարության մամուլի ծառայությունը ՝ ՀԱՊԿ գլխավոր քարտուղար Ստանիսլավ Զասի հետ նախարարության ղեկավար Մուխթար Տլեուբերդիի հանդիպումից հետո, գրում է ՏԱՍՍ-ը։
«Հանդիպման ընթացքում կայացել է կարծիքների փոխանակում ՀԱՊԿ-ի ընթացիկ աշխատանքի շուրջը, քննարկվել են լայն շրջանակի հարցեր կազմակերպության գործունեության բոլոր կարևոր ուղղությունների վերաբերյալ: Նախարարն ընդունել է հրավերը ՀԱՊԿ-ի Արտաքին գործերի նախարարների խորհրդի՝ այս տավրա մայիսին Դուշանբեում կայանալիք հերթական նիստին: ՀԱՊԿ-ի Հավաքական անվտանգության խորհրդի հերթական նստաշրջանը կկայանա 2021 թվականի չորրորդ եռամսյակում Տաջիկստանում»,- ասված է հաղորդագրության մեջ:
Ղազախստանի արտաքին գերատեսչության տվյալների համաձայն՝ կողմերը նաև պատրաստակամություն են հայտնել կազմակերպության հետագա ամրապնդմանն ուղղված համագործակցության հարցում։
ՀԱՊԿ գլխավոր քարտուղարը մարտի 9-10 գտնվում է Ղազախստանում։ Ակնկալվում է, որ Զասին կընդունի նաև հանրապետության նախագահ Ժոմարտ Տոկաևը։
Տաթև Ֆռանգյան
