01.08.2026 | 13:20
Դավիթ Խուդաթյանը Լոռու մարզում ծանոթացել է շինարարական և սուբվենցիոն ծրագրերի ընթացքին
Եվրախորհրդարանի պատգամավորները անձեռնմխելիությունից զրկել են Կատալոնիայի կառավարության նախկին ղեկավարին
Քաղաքականություն
09.03.2021 | 18:52
Եվրախորհրդարանի պատգամավորները անձեռնմխելիությունից զրկել են Կատալոնիայի կառավարության նախկին ղեկավար Կառլես Պուչդեմոնին ու նրա երկու աշխատակիցներին։ Այժմ նրանց կարող են արտահանձնել Իսպանիային, որտեղ նրանց բանտարկություն է սպասվում 2017 թվականին անկախության համար հանրաքվե անցկացնելու համար, գրում է BBC-ի ռուսական ծառայությունը։
Կառլես Պուչդեմոնին ու նրա աշխատակիցներին անձեռնմխելիությունից զրկելու օգտին են քվեարկել պատգամավորների զգալի մասը։
Տեղեկացվում է, որ ԵՄ խորհրդարանը գաղտնի քվեարկություն է անցկացրել երկուշաբթի երեկոյան, իսկ արդյունքները հայտարարվել են երեքշաբթի։
Պուչդեմոնի համախոհները մինչ այդ բանակցություններ են վարում Կատալոնիայում նոր կառավարություն ձևավորելու շուրջ՝ փետրվարի կեսերին ընտրություններում հաղթելուց հետո։
Տաթև Ֆռանգյան
