12.12.2024 | 16:28
Մեծ Բրիտանիայում նոր հակադրոնային լազեր են փորձարկել
Ռուսաստանը չի նախատեսում միասնական բանակ ստեղծել Բելառուսի հետ
Քաղաքականություն
09.03.2021 | 18:31
Ռուսաստանը չի նախատեսում միասնական բանակ ստեղծել Բելառուսի հետ: Այս մասին РБК հեռուստաալիքի եթերում հայտարարել է Բելառուսում Ռուսաստանի դեսպան Դմիտրի Մեզենցևը։
Պատասխանելով համապատասխան հարցին՝ Մեզենցևը պարզաբանել է, որ ռուսական ու բելառուսական բանակների ինտեգրման համար պատճառներ չկան այս պահին, իսկ ռազմական հարցերով Մոսկվայի ու Մինսկի միջև փոխգործակցությունն իրականացվում է ՀԱՊԿ շրջանակներումՙ և սա բավարար է երկու երկրների պաշտպանունակության աջակցման համար։
Միևնույն ժամանակ Բելառուսի ու Ռուսաստանի միջև վստահության մակարդակը բավականին բարձր է, երկրները բազմաթիվ զորավարժություններ են իրականացնում, փոխանակվում են գաղտնի բնույթի ռազմական տեղեկություններով։
Ըստ Մեզենցևի՝ ռուս-բելառուսական միասնական բանակ ստեղծելու մասին բոլոր խոսակցությունները պարզապես հորինվածքներ են ու ինչ-որ մեկի «վառ երևակայության» արդյունքը, նման բանակ ստեղծելու անհրաժեշտություն չկա:
Տաթև Ֆռանգյան
