31.10.2026 | 22:55
Հայտնաբերվել է զինծառայողի դի. ՊՆ
Բաքվում ոստիկանությունը բռնի ուժով ցրել է կանանց բողոքի ակցիան․ ԼՈՒՍԱՆԿԱՐՆԵՐ
Քաղաքականություն
09.03.2021 | 14:51
Բաքվում մի խումբ կանայք «Մարտի 8՝ հանուն մեր իրավունքների» կարգախոսով բողոքի ակցիա են անցկացրել, որը բռնությամբ ճնշվել է ոստիկանական ուժերի կողմից։ Ակցիան անցկացվել է գենդերային անհավասարության և կանանց նկատմամբ կենցաղային հողի վրա հանցագործությունների դեմ։ Այն ծրագրված էր անցկացնել Շատրվանների հրապարակում, սակայն մեկնարկից առաջ հրապարակը վերցվել է ոստիկանության ուժերի ու քաղաքացիական հագուստով ուժայինների վերահսկողության տակ։
Մասնակիցներից շատերին սկսել են ձերբակալել դեռ ակցիայի մեկնարկից առաջ։ Պաստառներով ու «Պայքարիր կնոջ պես, կնոջ պես ոչնչացրու, կնոջ պես ստեղծիր» վանկարկումներով հրապարակում հայտնված կանանց ոստիկաններն անմիջապես ձերբակալել են։ Տարբեր տեղեկություններով՝ հավաքի 20-ից ավելի մասնակից է ձերբակալվել։
Մի շարք ակտիվիստներ էլ փորձել են ակցիա անցկացնել Բաքվի «Ձմեռային այգում»՝ «Դաժանությունը մի՛ հանդուրժիր» վանկարկումներով, սակայն ոստիկանությունը խլել է պաստառներն ու այգուց դուրս հանել ակցիայի մասնակիցներին։
Էմմա Չոբանյան
