17.09.2026 | 16:17
Ալեն Սիմոնյանը ներկայացրել է Հայաստանի ազգային անվտանգության դոկտրինի հիմնական սկզբունքներն ու առաջնահերթությունները
Դիմում եմ ԱԺ՝ Ա. Բաբաջանյանի կողմից պատգամավորական էթիկայի կանոնների խախտման փաստը քննարկելու նպատակով հանձնաժողով ստեղծելու պահանջով. Վարդազարյանը՝ Միրզոյանին
Քաղաքականություն
09.03.2021 | 13:28
ԲԴԽ նախագահ Ռուբեն Վարդազարյանը ֆեյսբուքի իր էջում հրապարակել է ՀՀ ԱԺ նախագահ Արարատ Միրզոյանին ուղղված նամակը, որով տեղեկացնում է, որ անկախ պատգամավոր Արման Բաբաջանյանի կողմից պատգամավորական էթիկայի կանոնների խախտման փաստը քննարկելու նպատակով հանձնաժողով ստեղծելու պահանջ է ներկայացրել խորհրդարան:
Հիշեցնենք, որ ԱԺ-ում ելույթ ունենալիս Բաբաջանյանն ասել էր. «Պարոն Վարդազարյան, Դուք ուղղակի չգիտեք՝ ինչ «ղալաթ» եք բերել Ձեր գլխին նոյեմբերի 15-ի հայտարարությամբ»:
Ապա, դիմելով իշխանական խմբակցությանը, պատգամավորը նշել էր. «Էս արհավիրքը դուք եք բերել Բարձրագույն դատական խորհուրդ, ձեր իշխանության օրոք է նա նշանակվել, Վանեցյանի առաջադրմամբ: Այսինքն՝ այս մարդու ոչ թե վաստակն է դատական համակարգում գործել, այլ նա Ս. Սարգսյանի և Ռ. Քոչարյանի ժամանակ «վնգստացող դատավոր» է եղել, և Վանեցյանի առաջարկով դուք դատական համակարգի գլխին եք բերել այս պատուհասը»:
