Ի՞նչ փոփոխություններ են կատարվելու Վրաստանի «Ընտրական օրենսգրքում»

Վրաստանի խորհրդարանում այս շաբաթվա ընթացքում կսկսվեն քննարկումներ ընտրական բարեփոխումների թեմայով, գրում է aliq.ge-ն:

«Ընտրական օրենսգրքում» փոփոխություններ կատարելու օրինագծի հեղինակները խորհրդարանում աշխատող բոլոր կուսակցությունների՝ «Վրացական երազանքի», «Քաղաքացիների» և «Եվրոպացի սոցիալիստների» 10 պատգամավորներ են:

«Ընտրական օրենսգրքում» նախատեսված փոփոխությունների փաթեթը ենթադրում է հետևյալ փոփոխությունները.

• Սակրեբուլոյում (ավագանի) համամասնական կարգով ընտրված անդամների քանակն ավելանում է: Մասնավորապես, ինքնակառավարվող քաղաքներում՝ Թբիլիսիում, Ռուսթավիում, Քութայիսիում, Փոթիում և Բաթումիում ամեն 1 մեծամասնական անդամին հասնելու է 4 համամասնական կարգով ընտրված պատգամավոր, իսկ մնացած մունիցիպալիտետներում ամեն մեկ մեծամասնական անդամին՝ 2 համամասնական կարգով ընտրված պատգամավոր:
• Ընտրական վարչության կենտրոնական և ընտրատարածքային մակարդակները կձևավորվի 8 մասնագիտական և 9 կուսակցական անդամով, սկզբունքով՝ մեկ կուսակցություն մեկ անդամ: ԿԸՀ-ի և ընտրատարածքային հանձնաժողովներում կուսակցությունը կնշանակի անդամ եթե խորհրդարանում ունի գոնե մեկ ներկայացուցիչ:
• Ներմուծվում է ընտրողների էլեկտրոնային գրանցման և ընտրական քվեաթերթիկների էլեկտրոնային հաշվարկման համակարգ:
• Արգելվում է ընտրատեղամասի փաստաթղթերի կնքումից հետո տեղամասային ընտրական հանձնաժողովի կողմից ուղղումների արձանագրության կազմումը և տարածքային հանձնաժողովների կողմից ուղղումների արձանագրության կազմումը փաստաթղթերը բացելու և քվեաթերթերը առանց վերահաշվարկի:
• Չնայաց բողոքարկմանը, 73 ընտրատարածքներից պատահականության սկզբունքով կընտրվի 5-ական տեղամաս, որոնց ձայները կվերահաշվարկվեն: Ընդհանուր հաշվով ընտրություններին կվերահաշվարկվի 365 տեղամաս, ինչը կազմում է ընդհանուրի 10 տոկոսը:
• Բողոքների ներկայացման և քննարկման ժամկետներն ավելանում են: Հնարավոր կլինի դատական ​​հայց ներկայացնել էլեկտրոնային եղանակով:
• Հնարավոր կլինի ԿԸՀ-ի կողմից խախտման արձանագրությունը կազմելուց հրաժարվելու դեմ բողոքել դատարանում:
• Ընտրական տեղամասերից 100 մետր շառավղով արգելվում է մարդկանց հավաքը և ընտրողներին գրանցելը: Ընդլայնվում է հանրային ծառայողների շրջանակը, որոնց նախընտրական քարոզարշավին մասնակցելը կարգելվի:
• Արգելվում է նախընտրական քարոզարշավի համար հանրային ծառայողներին հավաքել ըստ ծառայողական պատկանելության:

Հիշեցնենք, որ 2021 թվականի աշնանը Վրաստանում անցկացվելու են տեղական ինքնակառավարման ընտրություններ: