18.12.2025 | 23:24
ՀՀ տարածքում ավտոճանապարհները հիմնականում անցանելի են
Բացահայտումը՝ Կարմիր Շուկան չհանձնելու մասին, Ադրբեջանի ԶՈՒ նոր դիտակետ Սյունիքի սահմանին․ Լուրեր
Քաղաքականություն
08.03.2021 | 12:19
Մարտական գործողությունների ավարտից հետո բոլոր բանակցություններում Ադրբեջանը ցանկացել է, որ հայկական կողմը հանձնի Կարմիր Շուկա բնակավայրը։ Այսպիսի բացահայտում է արել Արցախի նախագահ Արայիկ Հարությունյանը՝ գյուղի բնակիչների հետ հանդիպմանը։ Հարությունյանը ասել է, որ նման բան չի լինելու, ընդհակառակը, իրենց շինարարության մեծ ծրագիր են անելու գյուղում։
—
ՀՀ ՊՆ-ից ուշ երեկոյան հայտնել են, որ շարունակվում են ապատեղեկատվությունները` ՀՀ սահմաններին լարվածության, կրակոցների, հակառակորդի ԶՈւ մեծ կուտակումների վերաբերյալ: Մասնավորապես, տեղեկություններ են շրջանառվում, թե իբր «Իջևանի ու Շամշադինի ճակատային հատվածում թուրք-ադրբեջանական ծանր տեխնիկայի կուտակումներ են, Տավուշի 3-րդ բանակային կորպուսում հայտարարված է տագնապ» և այլն: Նախարարությունը հայտնում է, որ նշված տեղեկությունները չեն համապատասխանում իրականությանը:
—
Սյունիքի մարզպետարանից էլ հերքում են Նոր Առաջաձորի ջրամբարից դեպի Դավիթ-Բեկ գյուղ տանող ջրատարի մասին տեղեկատվությունը։ Ըստ մարզպետարանի տարածվող լուրերը, թե ադրբեջանցիները քանդում են ջրամբարից դեպի Դավիթ-Բեկ գյուղ տանող ջրատարը, չեն համապատասխանում իրականությանը, ջրատարն իր տեղում է, ոչ մի խողովակ չի քանդվել։ Մարզպետարանից նաև հայտնում են, որ ադրբեջանական կողմը մեկ դիտակետ է ավելացրել դեպի Նոր Առաջաձոր տանող ճանապարհի աջ թևին։
