09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Էրդողանն ու Մերկելն առցանց բանակցություններ են վարել
Քաղաքականություն
06.03.2021 | 10:52
Թուրքիայի նախագահ Ռեջեփ Թայիփ Էրդողանը և Գերմանիայի կանցլեր Անգելա Մերկելը տեսահամաժողովի ձևաչափով հանդիպում են ունեցել, որի շրջանակում քննարկել են երկկողմ, տարածաշրջանային, ինչպես նաև համավարակին առնչվող հարցեր. այս մասին հայտնել է թուրք առաջնորդի գրասենյակը, փոխանցում է RT-ն:
Էրդողանի խոսքով՝ Թուրքիայում կորոնավիրուսի հետ կապված իրավիճակը կարգավորվում է, բնակչությունը պատվաստվում է: Ապրիլից, Թուրքիայի իշխանությունների հաշվարկի համաձայն, հնարավոր կլինի սկսել «անարգել ու անվտանգ» զբոսաշրջությունը:
Էրդողանը Մերկելի հետ զրույցում բարձրացրել է նաև սիրիացիներին հայրենիք վերադարձնելու հարցում ԵՄ օգնության հարցը, ինչպես նաև խոսել Արևելյան Միջերկրական ծովի և Էգեյան ծովի վերաբերյալ Անկարայի դիրքորոշման մասին:
