12.12.2024 | 14:33
Բացվել է «Երեկ և այսоր. Ժակ դը Մորգանի հետքերով» հայ-ֆրանսիական միջազգային ցուցահանդեսը
Թուրքիայում ևս 40 մարդ է ձերբակալվել ռազմական հեղաշրջման փորձի գործով
Քաղաքականություն
05.03.2021 | 15:53
Անկարայի գլխավոր դատախազությունը 40 մարդու ձերբակալման օրդեր է տվել, որոնք մեղադրվում են Թուրքիայում ռազմական հեղաշրջման փորձի համար: Այս մասին հայտնում է թուրքական Haberturk հեռուստաալիքը։
Ձերբակալություններն իրականացվում են Հանրապետության ռազմածովային ուժերի հրամանատարական կառույցներում ՖԵՏՕ-ի («ֆեթուլլահիստական ահաբեկչական կազմակերպություն») գործունեության հետաքննության շրջանակներում: Կասկածյալների ցուցակում կա 19 սպա, ինչպես նաև ռազմական ակադեմիայի նախկին կուրսանտներ: Ըստ հետաքննության՝ նրանք համակարգել են ՖԵՏՕ բջիջների գործողությունները բանակի կառույցներում, կապվել են համակարգողների հետ՝ Անկարայի հանրային վայրերում տեղադրված ֆիքսված հեռախոսների միջոցով:
Ռեյդեր են իրականացվում ինչպես Թուրքիայի մայրաքաղաքում, այնպես էլ դրա նահանգներում։
Ստամբուլի գլխավոր դատախազությունն իր հերթին միջնորդել է ևս 13 մարդու ձերբակալումը՝ ՖԵՏՕ-ի գործունեության հետաքննության մեկ այլ գործի շրջանակներում։
Տաթև Ֆռանգյան
