18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Կորոնավիրուսի հարցով ԱԺ քննիչ հանձնաժողովի լիազորությունները ևս 6 ամսով կերկարաձգվեն. ՏԵՍԱՆՅՈՒԹ
Հասարակություն
05.03.2021 | 13:46
Կորոնավիրուսի դեմ պայքարի արդյունավետությունն ուսումնասիրող ԱԺ քննիչ հանձնաժողովի գործունեության ժամկետը կերկարաձգվի ևս 6 ամսով: Հանձնաժողովի այսօրվա նիստում որոշվեց նման առաջարկով դիմել ԱԺ-ին:
«Մենք այս նախաձեռնությամբ հանդես եկանք այն պատճառով, որ քննիչ հանձնաժողովը ձևավորվել է մի ժամանակահատվածում, երբ ԱԺ-ը պատրաստվում է գնալ հերթական արձակուրդ, այնուհետև՝ սեպտեմբերից հետո տեղի ունեցած պատերազմական վիճակում, աշխատանքները մնացել են առկախված,-նշեց հանձնաժողովի անդամ Հերիքնազ Տիգրանյանը:- Ամբողջական աշխատանքները վերջնականացնելու համար քննիչ հանձնաժողովին անհրաժեշտ է լրացուցիչ 6 ամիս՝ աշխատանքներն ամփոփելու համար, նաև հաշվի առնելով, որ դիմել ենք պետական մարմիններին տեղեկատվության համար, հետևաբար մինչև այդ տեղեկատվության ստացումը և վերլուծությունը, ամփոփումը, զեկույցի կազմումը, մեզ անհրաժեշտ կլինի ևս 6 ամիս»:
Հանձնաժողովի գործունեության ժամկետը երկարաձգելու համար ԱԺ-ին դիմելու որոշումն ընդունվեց միաձայն:
