31.10.2026 | 22:55
Հայտնաբերվել է զինծառայողի դի. ՊՆ
ԲԴԽ նախագահը ոտնատակ է տալիս բոլոր դատավորների հեղինակությունը. Նիկոլայ Բաղդասարյան. ՏԵՍԱՆՅՈՒԹ
Քաղաքականություն
05.03.2021 | 13:18
«Արձանագրենք, որ հենց ԲԴԽ նախագահի պատասխաններից բխեց այդ օրվա քննարկումը։ Այսինքն՝ ես նախապատրաստվել էի բոլորովին ուրիշ հարց տալ՝ դատական համակարգի հետ կապված, բայց պարոն Վարդազարյանն ինչ էր անում. նա ամեն անգամ հարցերից իր պատասխանները պտտում էր ու ասում, որ այդ հարցին պատասխանել է ոչ թե՝ ԲԴԽ նախագահ, այլ որպես ֆիզիկական անձ»,- խորհրդարանում լրագրողների հետ զրույցում նշեց «Իմ քայլը» խմբակցության պատգամավոր Նիկոլայ Բաղդասարյանը՝ անդրադառնալով հարցին, թե ինչու Վճռաբեկ դատարանի դատավոր ընտրելու հարցը իշխանական պատգամավորները վերածեցին ԲԴԽ նախագահի հայտարարության հետ կապված խնդրի քննարկման։
Հիշեցնենք, որ ԱԺ քառօրյա նիստում իշխանական խմբակցությունը Վճռաբեկ դատարանի դատավոր չընտրեց՝ դրանով դիրքորոշում արտահայտելով ԲԴԽ նախագահ Ռուբեն Վարդազարյանի հայտարարության վերաբերյալ:
Ըստ Նիկոլայ Բաղդասարյանի, որպես ԲԴԽ նախագահ՝ Ռուբեն Վարդազարյանն ըստ էության թույլ է տվել այնպիսի խախտումներ, որոնք հարիր չեն ո՛չ ԲԴԽ նախագահին, ո՛չ ԲԴԽ անդամին։
«Ճշմարտությունն այն է, որ ԲԴԽ նախագահը լիազորված չէր կոչով հանդես գալ, նա նման լիազորություն չունի անհատապես հայտարարություններ անելու։ Այսինքն՝ խորհուրդը դեռ հայտարարությունը չընդունած, ԲԴԽ նախագահը հանդես է գալիս հայտարարությամբ։
Եթե Ռուբեն Վարդազարյանն ընդունի, որ ինքը թույլ է տվել այնպիսի խախտում, որը վարկաբեկում է դատական իշխանությանը, և հրաժարական տա, ԲԴԽ մյուս անդամները պետք է ընտրեն հաջորդ նախագահին՝ արդեն իրավագետների կազմից»,- նշեց Բաղդասարյանը։
Մանրամասները՝ տեսանյութում:
