31.10.2026 | 22:55
Հայտնաբերվել է զինծառայողի դի. ՊՆ
2022 թ. սկզբին համաճարակը կմնա հետևում, սակայն վիրուսը չի վերանա․ ԱՀԿ ներկայացուցիչ
Քաղաքականություն
05.03.2021 | 14:14
Երկրները կհաղթահարեն կորոնավիրուսի համաճարակը 2022 թվականի սկզբին, սակայն սա չի նշանակում, որ կորոնավիրուսը կվերանա: Այս մասին Welt գերմանական հրատարակությանը տված հարցազրույցում ասել է Առողջապահության համաշխարհային կազմակերպության (ԱՀԿ) Եվրոպայի տարածաշրջանային գրասենյակի տնօրեն Հանս Կլուգեն:
Ըստ նրա՝ 2021 թվականը կդառնա «քովիդի ևս մեկ տարի»։ «Իմ աշխատանքում կարևոր է ամեն բան նախօրոք ծրագրելը։ Այս պատճառով էլ կարծում եմ, որ 2022 թվականի սկզբին համաճարակը կմնա հետևում, սակայն սա չի նշանակում, որ կվերանա նաև վիրուսը»,- ենթադրել է նա։
Մասնագետի խոսքով՝ քաղաքացիների պատվաստման հարցում անհրաժեշտ է համբերությամբ զինվել, քանզի սկզբում միշտ էլ պահանջարկն ավելի շատ է լինում, քան առաջարկը։
«Չի կարելի միանգամից մոլորակի ողջ բնակչությանը պատվաստել»,- նշել է ԱՀԿ ներկայացուցիչը։ Ինչպես հավելել է Կլյուգեն, հօգուտ պատվաստման անձնագրերի է խոսում «քաղաքական իրականությունը», սակայն անձամբ ինքը կասկածներ ունի այս հարցում։ «Բացի այդ, պատվաստման անձնագիրը խորացնում է անհավասարությունը»,-եզրափակել է Կլյուգեն։
Տաթև Ֆռանգյան
