26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Զինծառայողների ապահովագրության հիմնադրամը «Կամուրջ» ծրագրով կատարել է 510 անհայտ կորած զինծառայողի հատուցում
Հասարակություն
04.03.2021 | 16:34
Փետրվարի 3-ի դրությամբ Զինծառայողների ապահովագրության հիմնադրամը «Կամուրջ» ծրագրով կատարել է 510 անհայտ կորած զինծառայողի հատուցում։ Բացվել են հաշվեհամարներ ՎՏԲ Հայաստան բանկում շահառուների անուններով և կատարվել են փոխանցումներ։ Այս մասին հայտնում է հիմանդրամը։
Փետրվարի 15-ի դրությամբ հիմնադրամը կատարել է ևս 279 անհայտ կորած զինծառայողի հատուցում «Կամուրջ» ծրագրով։ Մարտի 1-ի դրությամբ հիմնադրամը «Կամուրջ» ծրագրով կատարել է ևս 226 անհայտ կորած զինծառայողի հատուցում։ «Կամուրջ» ծրագրով փետրվարի 5-ի դրությամբ հիմնադրամը կատարել է 43 վիրավորում ստացած զինծառայողի հատուցում: Փետրվարի 15-ի դրությամբ կատարվել է վիրավորում ստացած ևս 12, իսկ մարտի 1-ի դրությամբ ևս 63 զինծառայողի հատուցում։
Հիմնադրամից տեղեկացնում են, որ զինծառայողների հարազատները հաշվի պայմանագիրը կնքելու և գումարը ստանալու նպատակով կարող են զանգահարել (010) 513701 հեռախոսահամարին: Զինծառայողների ցանկը ներկայացված է հիմնադրամի պաշտոնական կայքում։
