19.11.2024 | 16:28
Քաղաքացիության պարտադիր պայման սահմանելը հակասում է փախստականների իրավունքների մասին կոնվենցիային
Ընդդիմության առաջարկած լուծումները նոր ճգնաժամերի ականներ են պարունակում․ Տիգրան Ավինյան. ՏԵՍԱՆՅՈՒԹ
Քաղաքականություն
03.03.2021 | 17:28
ԱԺ-Կառավարություն հարցուպատասխանի ժամանակ պատգամավոր Տիգրան Ուրիխանյանը նշեց, որ որոշել էր այլևս վարչապետին հարց չտալ, մինչև նա հրաժարական չտա:
«Հանգուցալուծում է պետք, վիճակը լավը չէ երկրում, մարդիկ չեն կարողանում պլանավորել նույնիսկ մեկ ամսվա կյանք: Պարոն վարչապետ, կան մարդիկ, որ չեն գալիս ո՛չ ձեր հանրահավաքին, ո՛չ ընդդիմության»,- նշեց պատգամավորը և ներկայացրեց հանգուցալուծման իր պատկերացումները:
«Դեռևս նախկինում առաջարկել էինք արտահերթ խորհրդարանական ընտրությունների անցկացում, ինչպես նաև վերջերս առաջարկել ենք դրան զուգահեռ սահմանադրական բարեփոխումների և հնարավոր կիսանախագահական կառավարման համակարգին վերադարձի հարցը: Մենք նախկինում հայտարարել էինք ընտրություններ կազմակերպելու մեր պատրաստակամության մասին, բայց դրան պատշաճ արձագանք չէր եղել, եթե անկեղծ լինենք, և կրկին պատրաստակամ ենք խորհրդարանական ընդդիմության հետ այդ քննարկումներն իրականացնելու, պայմանավորվածություններ ձեռք բերելու և արտահերթ խորհրդարանականան ընտրություններ կազմակերպելու: Դրան զուգահեռ, պատրաստ ենք քննարկելու սահմանադրական բարեփոխումների օրակարգն ու գուցե նաև կիսանախագահական կառավարման համակարգին վերադարձը»,- նշեց Ավինյանը:
Նա նաև նկատեց, որ ընդդիմության առաջարկած լուծումները նոր ճգնաժամերի ականներ են պարունակում:
Մանրամասները՝ տեսանյութում:
