07.10.2026 | 23:48
Արթուր Դանիելյանը կալանավորվեց
Ի վերջո, «Իսկանդեր» կիրառվե՞լ է, թե՞ ոչ․ պատգամավորի հարցին Փաշինյանի փոխարեն պատասխանեց Ավինյանը. ՏԵՍԱՆՅՈՒԹ
Քաղաքականություն
03.03.2021 | 16:55
«Լուսավոր Հայաստան» խմբակցության պատգամավոր Արկադի Խաչատրյանը Կառավարության հետ հարցուպատասխանի ժամանակ պարզաբանում խնդրեց «Իսկանդերի» վերաբերյալ վարչապետի հայտարարության մասին:
«Պարո՛ն վարչապետ, Ի վերջո «Իսկանդեր» կիրառվե՞լ է, թե՞ ոչ»,- հետաքրքրվեց պատգամավորը:
Հարցին վարչապետի փոխարեն պատասխանեց փոխվարչապետ Տիգրան Ավինյանը՝ նշելով, որ տվյալ հարցի շուրջ բոլոր հնարավոր պարզաբանումներն ու հայտարարությունները եղել են արդեն:
«Պարզաբանումները տրվել են վարչապետի մամուլի խոսնակի կողմից: Կարծում եմ՝ այդտեղ որևէ ավելացնելու բան չկա: Ինչ վերաբերում է ռուսական կողմին՝ կառաջարկեմ ծանոթանալ ռուսական կողմի հայտարարությանը, որով ռուսական կողմը նույնպես հայտնում է, որ հարցը պարզաբանված է, և որևէ խնդիր չկա»,- նշեց փոխվարչապետը:
Մանրամասները՝ տեսանյութում:
