09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ԱՄՆ ու Եվրոպայի հակառուսական պատժամիջոները բացարձակ անընդունելի են․ Պեսկով
Քաղաքականություն
03.03.2021 | 15:30
Ընդդիմադիր Ալեքսեյ Նավալնիի շուրջ ստեղծված իրավիճակի պատճառով ԱՄՆ ու Եվրոպայի հակառուսական պատժամիջոցները հանդիսանում են երկրի ներքին գործերին միջամտություն, ինչը բացարձակ անընդունելի է. հայտարարել է ՌԴ նախագահի մամուլի քարտուղար Դմիտրի Պեսկովը, գրում է «Կոմերսանտը»։
Նա նաև վրդովվեցուցիչ է անվանել ԱՄՆ կողմից արված այն պնդումները, թե ՌԴ Անվտանգության դաշնային ծառայությունն առնչություն ունի Ալեքսեյ Նավալնիի թունավորման հետ։
«Եթե խոսենք կոնկրետ մարդկանց մասին, որոնց հանդեպ կիրառվել են պատժամիջոցներ, կամ ավելի շուտ սահմանափակումներ, ապա սա փաստացիորեն այն սահմանափակումների կրկնօրինակումն է, որոնք սահմանված են այդ մարդկանց հանդեպ ՌԴ օրենսդրությամբ»,- ասել է Պեսկովը։
Նա նշել է, որ պատժամիջոցների տակ հայտնված մարդիկ «այսպես թե այնպես, չեն մեկնում արտերկիր, իրավունք չունեն հաշվեհամարներ բացել օտարերկրյա բանկերում և արտերկրում գույք ունենալ»։
Հիշեցնենք՝ մարտի 2-ին ԱՄՆ-ն ու ԵՄ-ն պատժամիջոցներ են կիրառել ընդդեմ Ռուսաստանի։ Վաշինգտոնի սահմանափակումների տակ է հայտնվել ՌԴ 7 բարձրաստիճան պաշտոնյա ու 3 գիտական կազմակերպություն։ Բրյուսելը պատժամիջոցներ է կիրառել ռուս 4 պաշտոնյաների հանդեպ։
Տաթև Ֆռանգյան
