30.06.2026 | 15:55
Հայաստանը մեկ տարով երկարաձգել է մի շարք երկրների քաղաքացիների համար առանց վիզայի մուտքի ռեժիմը
Ռազմական խունտայի պարարտ հող է ստեղծվել 2015-ի սահմանադրական փոփոխությամբ. սահմանադրագետ. ՏԵՍԱՆՅՈՒԹ
Հասարակություն
03.03.2021 | 14:02
«Սահմանադրական կարգավորումները պետք է առանցքային դեր ունենան ցանկացած ժողովրդավարական երկրում ներքաղաքական ճգնաժամի հանգուցալուծման համար: Սակայն ՀՀ-ում հատկապես 2015թ. սահմանադրական փոփոխություններից հետո Սահմանադրությունը փոխանակ շիջի ներքաղաքական ճգնաժամը, փոխարենը ստեղծում է նորանոր ճգնաժամեր: Դրան գումարվում է նաև օրենքների անբավարար որակը, որը ստեղծում է ճգնաժամային իրավիճակներ»,- այս մասին «Հայաստանում ինստիտուցիոնալ ճգնաժամի լուծման իրավա-քաղաքական ուղիները» թեմայով առցանց քննարկման ժամանակ նշեց Սահմնադրական իրավունքի մասնագետ Արտաշես Խալաթյանը:
Սահմանադրագետը մատնանշեց, որ, օրինակ, արհեստական վեճ է առաջացել ԳՇ պետի լիազորությունների դադարեցման շուրջ: Նրա խոսքով՝ Սահմանադրության 139-րդ հոդվածի 3-րդ մասը հստակորեն սահմանում է, որ եթե նախագահը վարչապետի առաջարկած հրամանագրի նախագծի շուրջ առարկությունները ստանալուց հետո չի դիմում ՍԴ, ապա օրենքի ուժով այդ ակտը մտնում է ուժի մեջ, այսինքն՝ ԳՇ պետի լիազորությունները դադարում են. «Սակայն Զինվորական ծառայության և զինծառայողի կարգավիճակի մասին օրենքով ինչ-որ ժամկետներ են սահմանվել՝ արհեստական կերպով երկարացնելով այս պրոցեսը… Այս հակասությունը ԳՇ-ին թույլ է տալիս շահարկել ԳՇ պաշտոնավարման հարցը»:
«Ռազմական խունտայի պարարտ հող է ստեղծվել 2015-ի սահմանադրական փոփոխությամբ»,- ընդգծեց Խալաթյանը:
Մանրամասները՝ տեսանյութում:
