11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Էրդողանը փորձում է հաճոյանալ ԵՄ-ին․ Financial Times
Քաղաքականություն
03.03.2021 | 14:42
Արևմուտքի կողմից մարդու իրավունքների ոտնահարման պատճառով ճնշումների ֆոնին Թուրքիայի նախագահ Ռեջեփ Թայիփ Էրդողանը երեքշաբթի օրը խոստացել է ամրապնդել Թուրքիայի դատական համակարգն ու պաշտպանել խոսքի ազատությունը, գրում է Financial Times-ը։
Իր ելույթում նա նախանշել է 11 կետից բաղկացած «Մարդու իրավունքների պաշտպանության գործողությունների պլանը», որն իր մեջ ներառում է նաև Եվրամիությանն անդամակցելու համար սահմանված չափանիշների կյանքի կոչման ջանքերի վերսկսումն ու ԵՄ Թուրքիայի քաղաքացիների առանց վիզա մուտքի հնարավարություն ստանալը։
«Ոչ ոք զրկված չի լինի քննադատության կամ իր մտքերի արտահայտման ազատությունից»,- հայտարարել է նա՝ ելույթ ունենալով ԵՄ ներկայացուցիչների առջև։
Թուրքիան պաշտոնապես շարունակում է ԵՄ անդամակցության համար բանակցությունները, հիշեցնում է FT-ն, սակայն երկու կողմերի հարաբերությունները գնալով վատթարանում են Էրդողանի է՛լ ավելի ավտորիտար քաղաքականության հետևանքով։
Տաթև Ֆռանգյան
