19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Վրաստանի փոխվարչապետը պաշտոնական այցով մեկնել է Թուրքիա
Քաղաքականություն
03.03.2021 | 14:14
Վրաստանի փոխվարչապետ, Վրաստանի արտաքին գործերի նախարար Դավիթ Զալկալիանին չորեքշաբթի պաշտոնական այցով մեկնել է Թուրքիա։ Այս մասին են հայտնում են Վրաստանի արտգործնախարարությունից, փոխանցում է Sputnik Georgia-ն:
Տեղեկացվում է, որ այցի ընթացքում ԱԳ նախարարը հանդիպում կունենա իր թուրք գործընկեր Մևլյութ Չավուշօղլուի հետ, որից հետո նախարարները համատեղ հայտարարություն կանեն լրատվամիջոցների համար:
Հիշեցնենք՝ Վրաստանի ընդդիմությունը բողոքի ցույցեր է անցկացնում նախորդ տարվա հոկտեմբերին տեղի ունեցած խորհրդարանական ընտրությունների արդյունքների դեմ։
Հոկտեմբերի 31-ին կայացած ընտրությունների արդյունքով իշխող «Վրացական երազանք» կուսակցությունը, հավաքելով ձայների 48,22%-ը, ստացել է երկրի օրենսդիր մարմնի 150 տեղերից 90-ը: Ընդդիմադիր կուսակցություններից ամենամեծ հաջողությունը գրանցել է Վրաստանի նախկին նախագահ Միխեիլ Սաակաշվիլիի «ՄԱՇ» կուսակցությունը, որի օգտին է քվեարկել ընտրողների 27,18%-ը, ստանալով 36 ձայն խորհրդարանում:
Ավելի վաղ Վրաստանի կառավարության ղեկավար Գեորգի Գախարիան հրաժարական էր ներկայացրել: Նա հայտարարել էր, որ հեռանալու պատճառը իշխող կուսակցությունում տարաձայնություններն էին ՝ կապված ամենամեծ ընդդիմադիր կուսակցության նախագահ Նիկանոր (Նիկա) Մելիայի ձերբակալման հետ: Վրաստանի խորհրդարանը նոր վարչապետ է ընտրել Իրակլի Ղարիբաշվիլիին։
Տաթև Ֆռանգյան
