10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
ԱՄՆ-ը դուրս է գալիս կլիմայական փոփոխությունների դեմ պայքարի փարիզյան համաձայնագրից
Քաղաքականություն
02.06.2017 | 11:11
ԱՄՆ նախագահ Դոնալդ Թրամփը հայտարարել է, որ Միացյալ Նահանգները դուրս է գալիս կլիմայական փոփոխությունների դեմ պայքարի՝ 2015 թվականին Փարիզում ստորագրված միջազգային պայմանագրից։ Այս մասին նա հայտարարել է Սպիտակ տան վարդերի այգուց կազմակերպված ուղիղ հեռարձակման ժամանակ․ փոխանցում է Սպիտակ տունը։
«ԱՄն-ը դուրս է գալու Փարիզի կլիմայական փոփոխություններևի դեմ պայքարի համաձայնագրից և բանակցություններ է սկսելու կրկին միանալու կա՛մ Փարիզի համաձայնագրին, կամ բոլորովին նոր մի համաձայնագրի, սակայն այնպիսի պայմաններով, որոնք արդարացի են Միացյալ Նահանգների, ամերիկյան բիզնեսի, ժողովրդի և հարկատուների նկատմամբ», – հայտարարել է ԱՄՆ նախագահը:
Նշենք, որ ԱՄՆ-ի նախկին նախագահ Բարաք Օբաման այդ համաձայնագիրը համարում էր իր արտաքին քաղաքականության նվաճումներից մեկը, իսկ Դոնալդ Թրամփը նախագահական ընտրարշավի ժամանակ խստորեն քննադատում էր այն՝ գլոբալ ջերմացման վտանգն անվանելով խաբեություն:
Փարիզի՝ կլիմայական փոփոխությունների դեմ պայքարի համաձայնագիրը միջազգային հանրության 1-ին համախմբումն է, որին միացած երկրները պարտավորվել են կրճատել ջերմոցային գազերի արտանետումները: ԱՄՆ-ը մթնոլորտ արտանետվող ջերմոցային գազերի ծավալով աշխարհում 2-րդն է: Փարիզի համաձայնագրով ԱՄՆ-ը պարտավորվել է մինչև 2025 թվականը գրեթե մեկ երրորդով կրճատել արտանետվող գազերի ծավալները
