Վրաստանի իշխանությունները չեն համաձայնի արտահերթ խորհրդարանական ընտրությունների անցկացմանը

Վրաստանի իշխանությունները չեն համաձայնի արտահերթ խորհրդարանական ընտրությունների անցկացմանը։ Այս մասին հայտարարել է Վրաստանի վարչապետ Իրակլի Ղարիբաշվիլին՝ մեկնաբանելով ընդդիմության ներկայացուցիչների հետ հանդիպման արդյունքները։

Նախօրեին Թբիլիսիում կայացել էր իշխող «Վրացական երազանք- Ժողովրդավարական Վրաստան» իշխող կուսակցության արտահերթ հանդիպումը, որը կազմակերպվել էր Եվրոպայի խորհրդի նախագահ Շառլ Միշելի կողմից, գրում է Sputnik Georgia-ն։

«Մեր սկզբունքային դիրքորոշումը արտահերթ ընտրությունների վերաբերյալ անփոփոխ է։ Սա «կարմիր գիծ է», և այդ հարցը չի դիտարկվում։ Այս մասին ես երեկ հայտարարեցի հանդիպման ժամանակ, որ երկրում արտահերթ ընտրություններ պահանջելու օրինական ոչ մի հիմք չկա: Անձամբ ես և իմ թիմը գործում ենք միայն երկրի և ժողովրդի շահերին և ոչ թե որոշակի կուսակցությունների անձնական քմահաճույքներին կամ շահերին համապատասխան: Դա շատ կարևոր է», – այսօր լրագրողներին հայտնել է Ղարիբաշվիլին:

Նա հայտարարել է, որ առաջին հարցն առնչվել է «Միասնական ազգային շարժում» ընդդիմադիր կուսակցության առաջնորդ Նիկա Մելիայի ազատ արձակմանը։ «Անկասկած, մենք չենք կարող ու չենք միջամտի օրենքի կատարմանը։ Պարոն Մելիան, նրա ընտանիքը կամ նրա կուսակցության անդամները ցանկացած պահի, ցանկացած օր հնարավորություն ունեն վճարել անհրաժեշտ գրավ, եթե նրանց իսկապես հետաքրքրում է նրա ազատ արձակումը մինչ գործով վերջնական դատավճռի հրապարակումը»,- հայտարարել է Ղարիբաշվիլին։

Վրաստանի կառավարության ղեկավարի խոսքով՝ երկրորդ հարցը վերաբերում էր ընտրական բարեփոխումներ իրականացնելու իշխող թիմի լիակատար պատրաստակամությանը: Ինչպես նշել է Ղարիբաշվիլին, այս ուղղությամբ արդեն ձեռնարկվել են կոնկրետ քայլեր:

Տաթև Ֆռանգյան