15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
«Իսկանդերը» դարձավ քաղաքական «Իսկանդեր». ո՞վ է թյուրիմացության մեջ գցել Փաշինյանին. Մելքումյան
Քաղաքականություն
02.03.2021 | 17:51
Մեր պետական կառավարման համակարգը լիովին կազմալուծված է, այսինքն՝ չի աշխատում, չկա իշխանություն: Այս մասին այսօր Ազգային ժողովում հայտարարությունների ժամին ասաց «Բարգավաճ Հայաստան» խմբակցության պատգամավոր Միքայել Մելքումյանը:
«2020 թվականին օտարերկրյա ուղղակի ներդրումների ներհոսքը կրճատվել է 11 անգամ, ինչը արտառոց երևույթ է, իսկ ներդրումները հոսում են դեպի ռազմավարական գործընկերոջ մոտ: 2021 թվականի հունվար ամսին երկնիշ թվով անկում ունենք նաև արտահանման, ներմուծման, արտաքին առևտրաշրջանառության և տնտեսական բոլոր ցուցանիշներում: Սա նշանակում է, որ պետական կառավարման համակարգը չի գործում, այսինքն, եթե նա չլինի, գուցե շատ ավելի լավ լինի:
Ռազմական առումով «Իսկանդերը» դարձավ քաղաքական «Իսկանդեր», և մենք ինչպես ենք պատասխանում ռազմավարական գործընկերոջ հարցադրումներին, և ինչու չենք պատասխանում Ալիևին, որը ձեռք առնելով ինչ-որ բաներ է ասում»,- նշեց Մելքումյանը:
Նա նաև նշեց, որ երբ «Իսկանդերի» մասին բարձրագույն պաշտոնյան հայտարարություններ է կատարում և թյուրիմացություն է առաջացնում, սա նշանակում է հայ-ռուսական հարաբերություններում նոր սեպ են փորձում խրել:
«Բարի եղեք ասել՝ իսկ ո՞վ է տվել էդ տեղեկությունը, ես ուզում եմ հասկանալ՝ ո՞վ է թյուրիմացության մեջ գցել բարձրագույն պաշտոնյային, և այդ թյուրիմացություններն անընդհատ շարունակվելո՞ւ են շքերթի նման», – հարց բարձրացրեց ԲՀԿ պատգամավորը:
Մանրամասները՝ տեսանյութում:
