24.04.2026 | 23:32
Կապանում ջրանջատում կլինի
Որքա՞ն կարելի է մերժել Սերժին․ 2018-ից մինչ հիմա մերժում ենք․ Սոֆյա Հովսեփյան. ՏԵՍԱՆՅՈՒԹ
Քաղաքականություն
02.03.2021 | 17:45
Որքա՞ն կարելի է մերժել Սերժին: 2018-ից մինչև հիմա մերժում ենք: Որքա՞ն պետք է չհասկանանք, որ այլևս մերժելուց հետո գոյություն ունի իշխանություն: Այս մասին Ազգային ժողովում հայտարարությունների ժամին ասաց ԱԺ պատգամավոր Սոֆյա Հովսեփյանը:
«Երկրում կա ընդդիմություն և էլի ընդդիմություն, իշխանություն գոյություն չունի, մեկը մյուսին է մերժում: Այն որ ընդդիմություն քննադատում է դա նորմալ է, բնականոն է, բայց որ իշխանությունն է այդքան քննադատում չեմ հասկանում, քանի որ այդ էներգիան, որ դնում է քննադատելու համար, պետք է լիներ աշխատանք և գործ»,- ասաց Հովսեփյանը:
«Գոյություն ունեն մարդկանց խմբեր, որ ո՛չ այս կողմի վրա են, ո՛չ այն կողմի վրա են, ինչ է, նրանք ՀՀ քաղաքացիներ չե՞ն, և պետք է նստեն ու ամեն օր նայեն, թե ինչպես են իրար ինչ ասես ասո՞ւմ:
Ողջախոհության քայլերը առաջին հերթին պետք է անի իշխանությունը՝ համախմբելով մարդկանց, չպառակտելով: Այսօր մեր ազգը պառակտված է, մարդիկ իրար ատում են, ընտանիքներ են բաժանվում, ընտանիքի մի մասը Բաղրամյան պողոտայում է, մյուս մասը՝ Հանրապետության հրապարակ»,- ասաց նա և կոչ արեց համախմբվել քանի որ ազգակործանման ճանապարհն ենք բռնել:
«Մենք խնդրի առաջ ենք կանգնելու և այդ խնդրի միակ լուծումը իշխանության կողմից համախմբման փորձ անելու մեջ է և ոչ թե աջ ու ձախ դավաճաններ չփնտրելով»,- նշեց հովսեփյանը՝ հավելելով, որ եթե դավաճաններ կան, ապա ո՞ւր է այդ դեպքում օրենքը, ո՞ւր է իր համապատասխան պատիժը»,- նշեց պատգամավորը:
«Եթե չենք կարող, ուրեմն խնդրում եմ անընդհատ չասել՝ վերջ թավիշին: Խնդրում եմ անկարողությունը թավիշ չհամարել»,- իր խոսքն այսպես եզրափակեց Հովսեփյանը:
Մանրամասները՝ տեսանյութում:
