14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Լուկաշենկոն հայտարարել է, թե երբ հնարավոր կլինի անցկացնել նոր նախագահական ընտրություններ
Քաղաքականություն
02.03.2021 | 19:04
Բելառուսի նախագահ Ալեքսանդր Լուկաշենկոն հայտարարել է, որ նոր նախագահական ընտրությունների անցկացումը հնարավոր կլինի նոր սահմանադրության ընդունումից հետո, գրում է «Բելտա»-ն։
Նա նաև հերքել է այն լուրերը, թե Սոչիում ՌԴ ղեկավար Վլադիմիր Պուտինի հետ քննարկել է «իշխանության փոխանցման» հարցը։
«Ամեն ինչ կլինի սահմանադրության ու օրենքների համաձայն։ Սահմանադրությունը մենք կընդունենք, ինչպես և ասել էի, եկող տարվա հունվար-փետրվար ամիսներին։ Ահա և իշխանության ողջ փոխանցումը։ Սահմանադրությունից հետո բոլորը կկարողանան մասնակցել ընտրություններին, ինչպես խորհրդարանական, այնպես էլ նախագահական»,- ասել է Լուկաշենկոն։
Սրա հետ մեկտեղ նա նաև նշել է, որ Բելառուսի նախագահի ոչ մի զավակ չի հավակնի ժառանգաբար նախագահի պաշտոնին։ Ավելի վաղ Լուկաշենկոն հայտարարել էր, թե որ դեպքում նախագահի պաշտոնից կհեռանա։
Տաթև Ֆռանգյան
