26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Խաղաղության նոբելյան մրցանակին առաջադրվել է մի քանի հարյուր թեկնածու
Քաղաքականություն
02.03.2021 | 15:19
Այս տարի Խաղաղության Նոբելյան մրցանակին առաջադրվել է շուրջ 329 թեկնածու, որոնցից 95-ը՝ կազմակերպություն:
«Սա երբևէ գրանցված երրորդ ամենամեծ թիվն է։ Ռեկորդային է եղել 376 թեկնածուն, որը գրանցվել էր 2016 թվականին», – Reuters– ին ասել է Նորվեգիայի Նոբելյան կոմիտեի քարտուղար Օլավ Նյոելշտադը:
«Սա արտացոլում է միջազգային մեծ հետաքրքրությունը Խաղաղության Նոբելյան մրցանակի նկատմամբ։ Դա, հավանաբար, նաև արտացոլում է, որ ամբողջ աշխարհում կան մի շարք չլուծված հակամարտություններ, պատերազմներ և մարդու իրավունքների խնդիրներ», – ասել է նա:
Խաղաղության Նոբելյան մրցանակի այս տարվա հավակնորդներն են բնապահպանական ոլորտի ակտիվիստ Գրետա Թունբերգը, Առողջապահության համաշխարհային կազմակերպությունը, COVAX ծրագիրը, որի նպատակն է աղքատ երկրների համար ապահովել COVID-19-ի դեմ պատվաստանյութերի արդարացի հասանելիությունը: Ցուցակում ներառվել են նաև ռուս ընդդիմադիր գործիր Ալեքսեյ Նավալնին, բելառուս ընդդիմադիր քաղաքական գործիչ Սվետլանա Տիխանովսկայան:
Տաթև Ֆռանգյան
