11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Վրաստանում ընդդիմությունը բողոքի ցույց է իրականացնում խորհրդարանի շենքի դիմաց․ կա ձերբակալված
Քաղաքականություն
02.03.2021 | 11:40
Վրաստանի ընդդիմադիր կուսակցությունների ներկայացուցիչները, ինչպես նաև նրանց կողմնակիցները բողոքի ցույց են իրականացնում երկրի խորհրդարանի շենքի մոտ՝ պահանջելով ազատը արձակել պատգամավոր, «Միասնական ազգային շարժում» կուսակցության նախագահ Նիկա Մելիային։
Խորհրդարանում յուրաքանչյուր պատգամավորի հայտնվելը ցուցարարների բուռն արձագանքին է արժանանում, գրում է Sputnik Georgia-ն։
Ցուցարարները խորհրդարանականներին դիմավորում են վիրավորական բացականչություններով, ինչն արդեն հանգեցրել է ոստիկանների հետ բախումների։ Մեկ մարդ ձերբակալվել է։ Ըստ լրատվականի տեղեկությունների՝ ձերբակալվածը «Միասնական ազգային շարժման» անդամ Բեսո Գազդելիանին է։
Ինչպես դեպքի վայրից հայտնել է լրատվականի լրագրողը, որոշ ցուցարարների ձեռքին կան ծխարձակ ֆայերներ։ Ավելի վաղ ընդդիմությունը հայտարարել էր, որ խաղաղ բողոքի ցույցեր է իրականացնելու, որոնց ժամանակ նրանք ևս մեկ անգամ ներկայացնելու են իրենց պահանջները՝ արտահերթ խորհրդարանական ընտրությունների անցկացում և քաղբանտարկյալների ազատ արձակում։
Տաթև Ֆռանգյան
