17.12.2025 | 19:29
«Սևան ստարտափ սամմիթ»-ի հիմնադիրը ՀՀ նախագահին է ներկայացրել նոր սմարթ քաղաքի կառուցման հայեցակարգի վերաբերյալ իր տեսլականը
Եթե Փաշինյանին ձերբակալելու փորձ անի ԳՇ-ն՝ դա կլինի ռազմական հեղաշրջում. Վանեցյան. ՏԵՍԱՆՅՈՒԹ
Քաղաքականություն
26.02.2021 | 13:28
Հայաստանում տեղի ունեցածը ռազմական հեղաշրջման փորձ չէր: Այս մասին այսօր լրագրողների հետ զրույցում ասաց «Հայրենիքի փրկության շարժման» խորհրդի անդամ Արթուր Վանեցյանը։
«Ռազմական հեղաշրջման փորձն այն է, որ բոլորդ հիմա պետք է զրկված լինեիք աշխատանքից, ռազմական ղեկավարությունն իշխանությունն ամբողջությամբ վերցներ իր ձեռքը, զորքը դուրս գար փողոցներ, և կառավարության շենքում նստած լիներ ոչ թե Նիկոլ Փաշինյանը, այլ գեներալ-գնդապետ Օնիկ Գասպարյանը։ Ուստի տեղիունեցածը ռազմական հեղաշրջման փորձ չէ։ Սա մեր ժողովրդին սթափեցնելու, ուշադրությունը ևս մեկ անգամ գրավելու փորձ է, որ ասում են՝ մենք կորցնում ենք մեր երկիրը, մեր հայրենիքը, վտանգված է մեր երկրի ամբողջականությունն ու ժողովուրդը։ 2019 թվականի սեպտեմբերին, երբ ես ներկայացրեցի հրաժարականի դիմում, գլոբալ առումով, նույն բաներն էի ասում, ինչ ասել է Զինված ուժերի գլխավոր շտաբի պետը»,- նշեց Վանեցյանը։
Ըստ Վանեցյանի, եթե Զինված ուժերի գլխավոր շտաբը փորձի ձերբակալել Նիկոլ Փաշինյանին, դա կլինի ռազմական հեղաշրջման փորձ, որը չի բխում մեր երկրի շահերից։ «Երկրում ռազմական հեղաշրջումն անթույլատրելի է։ Բայց եկեք ականջալուր լինենք ԳՇ հայտարարությանը, որ իրականում վտանգված է մեր երկրի ապագան։
Մեր Սահմանադրությամբ՝ Զինված ուժերի գլխավորր շտաբը առանձնացված է, հստակ նշված է, որ շտաբի պետը նշանակվում է 5 տարի ժամկետով, և ևս 5 տարի կարող է երկարաձգվել նրա պաշտոնավարումը։ Ինչո՞ւ է դա արված, որպեսզի Զինված ուժերը լինեն ապաքաղաքական։ Եվ նրանց գործը մեր երկրի ֆիզիկական պաշտպանությունն է։
Երբ ԳՇ-ն հայտարարում է, որ մեր երկիրը վտանգված է, և այս իշխանություններն ի զորու չեն ապահովել մեր երկրի անվտանգությունը, մեր հանրությունը պետք է ականջալուր լինի դրան և սթափ գնահատի»,- նշեց Վանեցյանը։
Մանրամասները՝ տեսանյութում:
