11.10.2026 | 19:47
Կապանում ավտոմեքենան ընկել է Ողջի գետը
Վրաստանում ընդդիմությունը անդադար բողոքի ցույցեր է սկսում՝ պահանջելով ընդդիմադիր կուսակցության ղեկավարի ազատ արձակումը
Քաղաքականություն
25.02.2021 | 19:04
Վրաստանի ընդդիմադիր կուսակցությունները փետրվար 26-ից որոշում են կայացրել սկսել անդադար բողոքի ցույցեր՝ պահանջելով «Միասնական ազգային շարժում» կուսակցության ղեկավար, ընդդիմադիր պատգամավոր Նիկա Մելիայի ազատ արձակումը, ինչպես նաև խորհրդարանի նոր արտահերթ ընտրություններ։ Այս մասին լրագրողներին հայտնել է Թբիլիսիի նախկին քաղաքապետ Գիգի Ուգուլավան, գրում է ՏԱՍՍ-ը։
«Վաղը կլինի բողոքի ակցիա, որը կդառնա շարունակական հանրահավաքների հիմք: Բողոքի ակցիաները նախ և առաջ կվերաբերեն քաղբանտարկյալների թեմային, արտահերթ ընտրություններին», – ասել է Ուգուլավան ՝ ավելացնելով, որ ընդդիմությունը բողոքի ցույցի ընթացքում կօգտագործի բոլոր օրինական մեթոդները, այդ թվում ՝ վրանների տեղադրում, պիկետներ շենքեր մոտ, ինչպես նաև կկազմակերպի «ամոթի միջանցքներ» պետական պաշտոնյաների համար:
Տաթև Ֆռանգյան
