12.01.2026 | 16:16
ՖԱՖ-ն ամփոփել է տարին, Էդուարդ Սպերցյանը մրցանակի է արժանացել
Համաճարակը գնալով անկում է ապրում․ ԱՀԿ-ն գնահատել է կորոնավիրուսային իրավիճակն աշխարհում
Քաղաքականություն
24.02.2021 | 13:02
Համաճարակը գնալով անկում է ապրում, սակայն կորոնավիրուսի նոր մուտացիաները է՛լ ավելի մեծ թվով երկրներ են ներթափանցում, հայտնում է ՌԻԱ Նովոստին՝ հղում կատարելով Առողջապահության համաշխարհային կազմակերպությանը։
«Աշխարհում նոր վարակման դեպքերի թիվը 6-րդ շաբաթն անընդմեջ շարունակում է նվազել․ անցած շաբաթ գրանցվել էր 2,4 միլիոն նոր դեպք, ինչը 11 %-ով պակաս է, քան դրա նախորդող շաբաթը։ Մահացությունների նոր թիվը ևս շարունակում է նվազել վերջին 3 շաբաթների ընթացքում․ անցած շաբաթ գրանցվել է շուրջ 66 հազար մահվան նոր դեպք, ինչը 20%-ով ավելի պակաս է նախորդ շաբաթվա համեմատ»,- ասվում է ԱՀԿ պաշտոնական կայքէջում հրապարակված հաղորդագրության մեջ։
Աշխարհում փետրվարի 15-ից 21 ընկած ժամանակահատվածում գրանցվել է 2 457 026 նոր դեպք, որոնցից 66 359 մահացու ելքով։
Սրա հետ մեկտեղ, շարունակվում են նոր շտամերի տարածումը։ Բրիտանական մուտացիան հայտնաբերել են արդեն 101 երկրում, «հարավաֆրիկյանը»՝ 51 երկրում, իսկ «բրազիլականը»՝ 29 երկրում։ Այս պահի դրությամբ հստակ տվյալներ, որ պատվաստանյութերը նաև պայքարում են այս մուտացիաների դեմ, չկան։
Տաթև Ֆռանգյան
