08.10.2026 | 15:48
«Գութանասար» հրաբխի «Սև պատ» կոչվող հատվածը վերադարձվել է համայնքի տիրապետմանը
Սաշիկ Սարգսյանը՝ ընդդիմության ակցիային, Ալվինա Գյուլումյանի հայցը՝ ընդդեմ սոցապնախի ու ՍԱՊԾ-ի․Լուրեր
Քաղաքականություն
23.02.2021 | 21:08
Երեկոյան ժամը 18-ին Երևանի Արամ Մանուկյանի արձանի մոտ մեկնարկել է ընդդիմության այսօրվա երկրորդ ակցիան։ Հայրենիքի փրկության շարժում նախաձեռնության անդամները դատապարտել են ոստիկանության բռնի գործողությունները կեսօրին եղած ցույցի ժամանակ։ Նրանք երթով շարժվել են կենտրոնական փողոցներով՝ անցնելով նաև ոստիկանության շենքի առջևով։ Այնտեղ նրանք պահանջել են, որ ոստիկանապետը իջնի իրենց մոտ և պատասխան տա ոստիկանների այսօրվա պահվածքի համար։
—
Վարչապետ Նիկոլ Փաշինյանի հրաժարականի պահանջով ակցիային մասնակցում էր նաև Սերժ Սարգսյանի եղբայրը՝ Ալեքսանդր Սարգսյանը: Factor.am-ի հետ զրույցում անդրադառնալով վարչապետ Նիկոլ Փաշինյանի այն տեսակետին, որ Սարգսյանները Հայաստանում ամենակոռումացված ընտանիքն են, Սարգսյանը նշել է, մեջբերում եմ. «Ինքը մեզնից կոռումպացված է»:
—
Փոխվարչապետ Մհեր Գրիգորյանն ընդունել է Հայաստանում Ճապոնիայի դեսպան Ջուն Յամադային: Գրիգորյանը շնորհակալություն է հայտնել Ճապոնիային դժվար ժամանակահատվածում Հայաստանին ցուցաբերած օժանդակության համար՝ մասնավորապես 3,6 միլիոն դոլարի աջակցություն ցուցաբերելու որոշման համար։
