19.12.2025 | 18:30
Ալեքսանդր Գրիգորյան․ Հիմա Սպերցյանը կարիերայի լավագույն մարզավիճակում է
Ադրբեջանը նախատեսում է Արցախի գրավյալ տարածքներում 3 միջազգային օդանավակայան կառուցել
Քաղաքականություն
23.02.2021 | 20:31
Ադրբեջանը պատրաստվում է Արցախի գրավյալ տարածքներում երեք միջազգային օդանավակայան կառուցել։ Այս մասին հայտնել է AzVirt շինարարական կազմակերպության ինժեներ Ղահրաման Ահմեդովը, հաղորդում են ադրբեջանական լրատվամիջոցները։
Ամեդովը նշել է, որ Ֆիզուլիից զատ՝ նախատեսվում է օդանավակայններ կառուցել նաև Զանգելանում ու Քարվաճառում։
«Ադրբեջանի նախագահը հրաման է տվել տարածք ընտրել Զանգելանում՝ օդանավակայան կառուցելու համար։ Դրա հետ մեկտեղ՝ առկա է նաև Քելբաջարի օդանավակայանի կառուցման հարցը»,- ասել է Ահմեդովը։
Նա նաև նշել է, որ ընկերության նախագծողները ներկայում Զանգելանի շրջանում են՝ օդանավակայանի կառուցման տարածք ընտրելու համար, իսկ Քարվաճառ նախատեսում են այցելել եղանակային պայմանների բարելավումից հետո։
«Այս տարվա օգոստոս-սեպտեմբեր ամիսներին նախատեսվում է Ֆիզուլիի օդանավակայանի թռիչքուղու շինարարությունը։ Մենք պլանավորում ենք այս տարի ավարտել Ֆիզուլիի օդանավակայանի կառուցումը։ Զուգահեռ կսկսվեն Զանգելանի օդանավակայանի կառուցման աշխատանքները։ Քելբաջարի օդանավակայանի համար դիտարկում ենք Գոչուլու կոչվող տարածքը»,- ասել է Ահմեդովը։
Նրա խոսքով՝ 2022թ․ նախատեսվում է ավարտել բոլոր երեք օդանավակայանների կառուցման աշխատանքները։
Էմմա Չոբանյան
