08.10.2026 | 15:48
«Գութանասար» հրաբխի «Սև պատ» կոչվող հատվածը վերադարձվել է համայնքի տիրապետմանը
Մանրամասներ Աբու-Դաբիից` հայկական ռազմական արտադրանքից, քննություն Թեհրանում ՀՀ օդանավի շուրջ. Լուրեր
Քաղաքականություն
23.02.2021 | 18:10
Թեհրանում հայտնված հայկական օդանավի մասին քաղավիացիայի կոմիտեն ներկայացրել է նոր հաղորդագրություն, որի համաձայն՝ օդանավում ուղևորներ չեն եղել, իսկ օդաչուները եղել են օտարերկրյա քաղաքացիներ: Թռիչքը կրել է տեխնիկական բնույթ, վայրէջքի մասին տեղեկատվությունը քննության փուլում է: Չարտոնված թռիչքուղու և չարտոնված վայրէջքի վերաբերյալ Կոմիտեում ընթանում է քննություն:
—
Ընդդիմության այսօրվա ակցիայի ժամանակ ոստիկանների գործողությունների հետևանքով կոտրվել է մասնակիցներից մեկի ոտքը։ Ոստիկանությունից հայտնել են, որ ցուցարարը բերվել է ոստիկանություն, որտեղ նրա ինքնազգացողությունը վատացել է, և շտապօգնության բրիգադը տեղափոխել է հիվանդանոց, որտեղ նրա մոտ ախտորոշվել է ձախ սրունքի սալջարդ։ Միջադեպի կապակցությամբ ոստիկանության պետի կարգադրությամբ նշանակվել է ծառայողական քննություն։
—
Հայկական ռազմարդյունաբերական ընկերությունները նախնական պայմանավորվածություններ են ձեռք բերել Աբու-Դաբիում անցկացվող IDEX-2021 ռազմարդյունաբերական ցուցահանդեսի ժամանակ։ Ցուցահանդեսին, հիշեցնենք, հայկական տաղավարը դատարկ էր, քանի որ արտադրանքը լոգիստիկ խնդիրների պատճառով տեղ չէր հասել։
