16.01.2025 | 12:08
Կառավարության անդամների ճեպազրույցը. ՈՒՂԻՂ
ԱԳ նախարար Արա Այվազյանն ընդունել է Շրի Լանկայի դեսպանին
Քաղաքականություն
23.02.2021 | 19:13
Փետրվարի 23-ին ՀՀ ԱԳ նախարար Արա Այվազյանն ընդունել է Շրի Լանկայի Ժողովրդավարական Սոցիալիստական Հանրապետության նորանշանակ դեսպան Միգահալանդ Դուռաջ Լամավանսային` հավատարմագրերի պատճենը հանձնելու կապակցությամբ։
«Նախարար Արա Այվազյանը շնորհավորեց դեսպան Լամավանսային պատասխատանու պաշտոնը ստանձնելու կապակցությամբ` համոզմունք հայտնելով, որ նա իր ներդրումը կունենա Հայաստանի և Շրի Լանկայի միջև հարաբերությունների առավել ամրապնդման և խորացման գործում։
Երկուստեք պատրաստակամություն հայտնվեց գործադրել բոլոր ջանքերը` փոխադարձ հետաքրքրություն ներկայացնող ոլորտներում առկա ներուժի լիարժեք կիրառման ուղղությամբ։ Որպես հեռանկարային ուղղություններ` առանձնացվեցին բժշկական կրթության, բարձր և տեղեկատվական տեխնոլոգիաների, մշակույթի, առևտրի, զբոսաշրջության ոլորտները։
Նախարար Այվազյանը և դեսպան Լամավանսան կարևորեցին փոխգործակցության և փոխաջակցության ամրապնդումը միջազգային հարթակներում։
Հանդիպման ընթացքում մտքեր փոխանակվեցին նաև տարածաշրջանային և միջազգային հրատապության խնդիրների շուրջ»,- ասված է ԱԳՆ-ի տարածած հաղորդագրությունում:
