08.11.2024 | 10:05
Եվրոն արժևորվել է․ արտարժույթների փոխարժեքները՝ նոյեմբերի 8-ի դրությամբ
Բելառուսում բողոքի ցույցերի 3 մասնակցի, այդ թվում` անչափահասի, դատապարտել են 6 և 8 տարվա ազատազրկման
Քաղաքականություն
22.02.2021 | 15:30
Բելառուսի Գոմելի շրջանային դատարանը երկրում կայացած նախագահական ընտրությունների արդյունքների դեմ զանգվածային բողոքի ցույցերի երկու մասնակցի դատապարտել է 6 և 8 տարվա ազատազրկման, իսկ բողոքի ցույցերի անչափահաս ևս մեկ մասնակից դատապարտվել է դաստիարակչական գաղութում 6 տարվա ազատազրկման։ Այս մասին հայտնել է Բելառուսի իշխանությունների կողմից չգրանցված «Գարուն» իրավապաշտպան կազմակերպությունը։
Իրավապաշտպանների տվյալների համաձայն՝ 29-ամյա Լեոնիդ Կովալյովը դատապարտվել է 6 տարվա ազատազրկման, 26-ամյա Դմիտրի Կորնեևը՝ 8 տարվա ազատազրկման՝ խիստ ռեժիմի գաղութում։ Անչափահաս Նիկիտա Զոլոտորևին դատարանը դատապարտել է 6 տարվա ազատազրկման դաստիարակչական գաղութում։
Հետաքննության տվյալների համաձայն՝ «զանգվածային անկարգություններին մասնակցելու մեջ մեղադրվողները ապօրինի կերպով պատրաստել են «Մոլոտովի կոկտեյլ» ու օգոստոսի 10-ին չարտոնված բողոքի ցույցերի ժամանակ հրկիզվող խառնուրդով լցված շշերը նետել են ներքին զորքերի զինծառայողների ուղղությամբ»։
Նշվում է, որ շրջանային դատարանի վճիռը կարող է բողոքարկվել օրենքով սահմանված կարգով։
Տաթև Ֆռանգյան
