11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Ադրբեջանագետ Անժելա Էլիբեգովան բերման է ենթարկվել ԱԱԾ
Քաղաքականություն
19.02.2021 | 22:26
ԱԱԾ-ն բերման է ենթարկել ադրբեջանագետ Անժելա Էլիբեգովային։ Այս մասին տեղեկացնում է նրա փաստաբան Դավիթ Ավագյանը։
«Գտնվում եմ ԱԱԾ շենքում։ Իր աշխատավայրից ԱԱԾ քննչական դեպարտամենտ բերման է ենթարկվել ադրբեջանագետ Անժելա Էլիբեգովան։ Արդեն 40 րոպեից ավելին ԱԱԾ աշխատակիցները ինձ թույլ չեն տալիս մուտք գործել շենք և հանդիպել վստահորդիս հետ իրավաբանական օգնություն ցույց տալու նպատակով, որով կոպիտ կերպով խախտվում է վստահորդիս պաշտպանության իրավունքը։ Հայտարարում եմ, որ ցանկացած դատավարական գործողություն, որ կատարվել է իր կողմից ընտրված փաստաբանի բացակայությամբ, ապօրինի է»,- գրել է փաստաբանը իր ֆեյսբուքյան էջում։
«Հայրենիք» կուսակցության խորհրդի անդամ Արսեն Բաբայանն էլ Factor TV-ի հետ զրույցում ասաց՝ Էլիբեգովային արդեն ազատ են արձակել։
«Անժելա Էլիբեգովային ԱԱԾ-ն բերման էր ենթարկել ժամը 21։00-ի սահմաններում և 1 ժամ անց ազատ արձակել»,-մանրամասնեց Բաբայանը։
Մերի Մարտիրոսյան
