16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Արցախում ՏԻՄ ընտրությունները հետաձգվեցին, պատճառը՝ բնակավայրերը դեռ Ադրբեջանն է վերահսկում․ Լուրեր
Քաղաքականություն
18.02.2021 | 18:02
Արցախում մինչև 2022 թ. մարտի 1-ը ՏԻՄ ընտրություններ չեն անցկացվի։ Այդ մասին հրամանագիրը ստորագրել է Արցախի նախագահ Արայիկ Հարությունյանը։ Պատճառն այն է, որ համայնքների մի մասը ժամանակավորապես Ադրբեջանի վերահսկողության տակ են, իսկ դրանց բնակչությունը ստիպված բնակություն է հաստատել Արցախի և Հայաստանի տարբեր բնակավայրերում, արտահերթ ընտրություններ անցկացնելը տեխնիկապես անհնար է:
—
Արցախում կայուն խաղաղության համար կպահանջվի ԱՄՆ-ի ակտիվ մասնակցությունն ու ներգրավվածությունը։ Այս մասին ասվում է ԱՄՆ-ում Հայաստանի դեսպան Վարուժան Ներսեսյանի նամակում, որը նա ուղղել է ԱՄՆ ներկայացուցիչների պալատի անդամներին։
—
ԱԺ նախագահ Արարատ Միրզոյանն ընդունել է Իրանի դեսպան Աբբաս Զոհուրիին։ Երկու կողմն էլ հաստատել է գերիների վերադարձը արագ ավարտելու կարևորությունը։ Պաշտոնյաները քննարկել են նաև Սյունիքում համատեղ հայ-իրանական տնտեսական գործունեության ծավալման վերաբերյալ մի շարք հարցեր
—
ԲՀԿ անդամ Միքայել Մելքումյանը կտրականապես հերքել է լուրերը, թե ինքը լքելու է կուսակցությունը։ Լրագրողների հարցերին պատասխանելիս նա ասել է, որ ինքը կուսակցության փոխնախագահն է, քաղաքականություն մշակողներից մեկը, ինքը չի կարող լքել կուսակցությունը։
