01.11.2026 | 12:52
ՀՀ ՏԿԵ նախարարը Կոտայքի մարզպետի աշխատակազմին է ներկայացրել նորանշանակ մարզպետ Լիլիթ Ստեփանյանին
Ադրբեջանցի ընդդիմադիրները հրավիրվել են ոստիկանություն՝ զոհվածների շիրիմներին այցելելու համար
Քաղաքականություն
18.02.2021 | 16:26
Ադրբեջանում ընդդիմադիրներին հրավիրել են ոստիկանություն Արցախյան պատերազմում զոհված զինծառայողների շիրիմներին այցելելու համար, հաղորդում են ադրբեջանական լրատվամիջոցները։
Մասնավորապես, «Մուսավաթ» կուսակցության ղեկավար Արիֆ Հաջիլիին, նրա տեղակալ Սահաբաթ Սոլթանլիին ու կուսակցության այլ ակտիվիստների հրավիրել են ոստիկանություն։
«Ինձ հիմա կանչել են Յասամալի շրջանի ոստիկանության 28-րդ բաժանմունք։ Իբրև թե երեկ զոհվածների գերեզմաններ այցելելիս ես կարանտինային ռեժիմը խախտել եմ»,- «Թուրանի» հետ զրույցում ասել է Հաջիլին։
Նա նաև նշել է, որ ոստիկանության գործողությունները հակաօրինական են, քանի որ կարանտինային ռեժիմը չեն խախտել։ Ըստ ընդդիմադիր գործչի՝ իշխանությունները կարանտինային ռեժիմով չեն մտահոգված, այլ ընդդիմության ակտիվությամբ։
Էմմա Չոբանյան
