08.11.2024 | 09:37
Լարսը փակ է բեռնատարների համար
ՄԻԵԴ-ը ՌԴ-ից պահանջել է ազատ արձակել Ալեքսեյ Նավալնիին
Քաղաքականություն
17.02.2021 | 18:38
Մարդու իրավունքների եվրոպական դատարանը Ռուսաստանից պահանջել է ազատ արձակել ընդդիմադիր քաղաքական գործիչ Ալեքսեյ Նավալնիին, որը բանտարկվել էր «Իվ Ռոշեի» գործով փորձաշրջանը խախտելու համար, գրում է BBC-ի ռուսական ծառայությունը։
Նավալնիի էջում տեղադրվել է նամակի պատճենը, որը դատարանից ստացել էր քաղաքական գործչի փաստաբան Օլգա Միխայլովան։ Փաստաթղթում ասվում է, որ ՄԻԵԴ-ը որոշել է ՌԴ իշխանություններին փոխանցել Նավալնիին ազատ արձակելու մասին պահանջ՝ առնվազն այնքան ժամանակով, որքան կպահանջվի Ստրասբուրգյան դատարանից ռուսական դատարանի որոշման դեմ բողոքի ուսումնասիրության համար։
ՄԻԵԴ-ը սա հիմնավորել է սեփական արարողակարգի, մասնավորապես 39-րդ կետի պահանջով։ Այն դատարանին իրավունք է տալիս կողմերից պահանջել ժամանակավոր միջոցների ձեռնարկում, որոնք անհրաժեշտ են բողոքի ադեկվատ քննության համար։ Մասնավորապես դատարանն իրավունք ունի նման պահանջ ներկայացնել, եթե դիմողի կյանքի կամ առողջության համար վտանգ է տեսնում։
