16.12.2025 | 15:22
Եվրոպայի առաջնորդները խոստանում են բազմազգ ուժեր ստեղծել Ուկրաինայի համար
Շիրակի մարզպետը Փաշինյանի հետ փակ հանդիպումից մանրամասներ է ներկայացնում. ՏԵՍԱՆՅՈՒԹ
Քաղաքականություն
17.02.2021 | 14:31
ՀՀ վարչապետ Նիկոլ Փաշինյանն այսօր Գյումրիում խորհրդակցություն է անցկացրել Շիրակի մարզպետարանում:
«Խորհրդակցության ժամանակ անդրադարձ է կատարվել 2020թ. կատարված աշխատանքին, քննարկվել են 2021թ. նախատեսված ծրագրերը: Այս մասին լրագրողների հետ զրույցում տեղեկացրեց Շիրակի մարզպետ Հովհաննես Հարությունյանը:
«62 ծրագիր է ներկայացվել 42 համայնքից, սուբվենցիոն ծրագրերով մոտ 4,4 միլիարդ դրամի ներդրում կիրականացվի, կապիտալ ծախսեր են նախատեսվում նաև այլ ծրագրերով: Բոլոր ծրագրերը մեկնարկել են և դրանց իրականացման արդյունքում մեծ տնտեսական շարժ կունենանք Շիրակի մարզում:
Շարունակվում են քաղաքաշինական ծրագրերը: Գյումրիում 2022թ. վերջում ճանապարհների 70-80 տոկոսն ասֆալտապատված կլինի:
Քննարկվեց նաև նոր տնտեսական ծրագրերի ներգրավման հարցը. կստեղծվեն ենթակառուցվածքներ և ներդրողների համար Գյումրին, Շիրակի մարզը կդառնա ավելի գրավիչ»,- նշեց Շիրակի մարզպետը:
Մանրամասները՝ տեսանյութում:
