15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Սերժ Սարգսյանի օրոք միշտ ասվել է՝ բանակցում ենք, բայց շրջանները տալու նպատակ չունենք. Մարուքյան. ՏԵՍԱՆՅՈՒԹ
Քաղաքականություն
17.02.2021 | 14:01
Արցախի հանձնված տարածքներում ներդրումներ են արվել, ներդրումներին կողմ եմ, եթե չպիտի տայինք Ադրբեջանին: Պետք է հարցը 30 տարի լուծվեր ու ներդրումներ չարվեին: Ասում էին, որ մենք բանակցում էինք, որ տայինք, ես էլ ասում եմ՝ եթե բանակցում էինք, որ տայինք, ուրեմն պետք է այդ ուղղությամբ աշխատանք տարվեր, ոչ թե մեզ պատրաստեին չտալուն, ու հետո գաղտնիքը բացեին, ասեին`բոլորս էլ ուզում էինք տայինք: Այս մասին լրագրողների հետ ճեպազրույցի ժամանակ ասաց «Լուսավոր Հայաստան» խմբակցության նախագահ Էդմոն Մարուքյանը, անդրադառնալով իր ֆեյսբուքյան էջում արված այն հայտարարությանը, թե ՀՀ երրորդ նախագահի հարցազրույցում կարմիր թելով անցնում էր այն միտքը, որ բանակցությունների ողջ ընթացքում ենթադրվում էր 5+2 շրջանների փոխանցում Ադրբեջանին, և եթե այդպես է, ապա ինչո՞ւ էին միլիոնավոր դոլարներ ծախսվում այդ տարածքների զարգացման վրա:
«Անընդհատ ասվել է, որ մենք բանակցում էինք, բայց տալու ոչ մի նպատակ չունենք: Միշտ ասվել է, որ բանակցում ենք ձգձգելու համար և չենք տալու ոչ մի բան: Բոլոր հանրապետական պատգամավորներն ասել են, որ այս իշխանությունն ուզում է տալ և քննադատվել է այդ հարցով, հիմա նախագահ Սերժ Սարգսյանը ասում է, որ ինքը միշտ եղել եմ այն գծի մեջ, որ պետք է գնալ այդ ճանապարհով, և «ոչմիթիզականությունը» քննադատում է, ես էլ հարց եմ բարձրացնում, եթե այդպես է այդ խնդիրը պետք է արագ լուծվեր և ոչ թե հայ ժողովրդի, սփյուռքի, ՀՀ քաղաքացիների հարկատուների գումարները ներդրվեր այն տարածքներում, որը մենք պետք է տայինք Ադրբեջանին»,- նշեց Մարուքյանը:
Էդմոն Մարությանի խոսով՝ հաջորդ հանգամանքը այն է, որ Արցախում գրվել է Սահմանադրություն, որ բոլոր 7 շրջանները Արցախի Հանրապետության տարածքն են համարվում և անքակտելի են, այսինքն՝ թղթի վրա գրվել է այլ բան, իսկ ժողովրդին մատուցվել է, որ սա ձեր տարածքն է և որևէ մեկը չի կարող ոտնձգություն անել, և միաժամանակ այդ տարածքները փոխանցելու համար բանակցություններ են արվել:
Մանրամասները՝ տեսանյութում:
