18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Կա 2 տարբերակ. կա՛մ Արցախում ադրբեջաներենն է պաշտոնական լեզուն լինում, կա՛մ հայերենի հետ նաև ռուսերենն է լինում. Էդմոն Մարուքյան. ՏԵՍԱՆՅՈՒԹ
Քաղաքականություն
17.02.2021 | 13:44
Արցախում ռուսերենը երկրորդ պաշտանական լեզու ճանաչելու նախագծին ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը նորմալ է վերաբերվում: Այս մասին նա հայտնեց այսօր լրագրողների հետ ճեպազրույցում:
«Մենք ունենք երկու տարբերակ. կա’մ Արցախում պաշտոնական լեզուն լինում է միայն ադրբեջաներենը, հայերենը չի լինում ընդհանրապես, կա՛մ հայերենի հետ լինում է նաև ռուսերենը, որովհետև այնտեղ մեծ ռուսական կոնտինգենտ կա: Հիմա ուզում ենք այդ կոնտինգենտը խաղաղություն ապահովի, անվտանգություն ապահովի, բայց իրենց լեզվով ոչ մի բան չլինի՞: Դա արդա՞ր է»,- նշեց Մարուքյանը:
Նա նաև նշեց, որ փոփոխությունն առաջարկվում է միայն լեզվի մասին օրենքում և ոչ թե Արցախի Սահմանադրությամբ։
Մարուքյանը նաև կարծիք հայտնեց, որ երկրի ինքնիշխանությունը լեզուներով չի պայմանավորված: Նա բերեց Շվեյցարիայի օրինակը, որտեղ մի քանի պաշտոնական լեզու կա, բայց երկիրն ինքնիշխան է:
Մանրամասները՝ տեսանյութում:
