27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Մենք թույլ չենք տա ՌԴ ինքնիշխանությանը որևէ հարված․ Պուտին
Քաղաքականություն
17.02.2021 | 15:45
Ռուսաստանը թույլ չի տա խորհրդարանական ընտրություններին արտաքին միջամտություն ու երկրի ինքնիշխանությանը հարվածներ։ Այս մասին հայտարարել է ՌԴ նախագահ Վլադիմիր Պուտինը՝ խորհրդարանական ֆրակցիաների ղեկավարների հետ հանդիպման ժամանակ, գրում է ՏԱՍՍ-ը։
«Այդ ընտրությունը մենք պարտավոր ենք պաշտպանել արտաքին միջամտության ցանկացած փորձից։ Մենք չենք կարող ու թույլ չենք տա ՌԴ ինքնիշխանությանը որևէ հարված՝ մեր հողի վրա տեր լինելու մեր ժողովրդի իրավունքի համաձայն»,- ընդգծել է նա։
Պուտինը նկատել է, որ այս հարցում բոլոր խորհրդարանական կուսակցությունները ընդհանուր մոտեցում են ցուցաբերում։ Նախագահը հուսով է, որ նրանք հետայսու ևս ամուր ու վստահ պետական դիրքորոշում կդրսևորեն։
«Կարծում եմ, որ նման հայրենասիրական միավորվածությունն անհրաժեշտ է, առավել ևս առաջատար կուսակցությունների համար, որոնք ունեն իրենց ավանդույթները, գաղափարախոսությունն ու հանրության վրա իրական ազդեցություն»,- ասել է ՌԴ ղեկավարը՝ կոչ անելով մշտապես պահպանել այդ հեղինակությունը՝ աշխատելով ոչ միայն կողմնակիցների, այլ նաև ընդդիմադիրների ու քաղաքականապես չեզոք մարդկանց հետ։
Պուտինը նաև ընդգծել է, որ 2021 թվականի Պետդումայի ընտրությունները պետք է տեղի ունենան մրցակցության հիման վրա։
Տաթև Ֆռանգյան
