17.09.2026 | 20:33
Ալիևը հայտարարել է՝ «եթե ՄԱԿ-ը նորմալ գործեր, ստիպված չէինք լինի ուժով նվաճել մեր տարածքները»
ԱՄՆ-ում գրանցված սաստիկ սառնամանիքները կաթվածահար են արել էներգետիկ ոլորտը․ 5,3 միլիոն սպառող հոսանքազրկված է
Քաղաքականություն
17.02.2021 | 12:49
Հանգստյան օրերին ԱՄՆ Տեխաս նահանգում գրանցված սառնամանիքները երեքշաբթի օրն ավելի մեծ վնասներ պատճառեցին ԱՄՆ-ի էներգետիկ ոլորտին ՝ կասեցնելով արդյունահանումը ԱՄՆ խոշորագույն նավթային հանքավայրերում, նոկաուտի ենթարկելով երկրում իր հզորությամբ հինգերորդ մաքրման համակարգն ու փակելով բեռնափոխադրման համար առանցքային համարվող Հյուսթոնի ջրանցքը, գրում է Reuters-ը։
Ձմեռային փոթորիկների պատճառով ԱՄՆ-ում շուրջ 5,3 միլիոն սպառող հոսանքազրկված է: Ամենից շատ տուժել է Տեխասը․ ըստ տեղի էներգետիկ ընկերությունների՝ շուրջ 4,4 միլիոն սպառող հոսանքազրկված է, քանի որ նահանգի էլեկտրական ցանցերը հիմնականում գործում են այլ նահանգներից անկախ, հետևաբար, չեն կարող հոսանք վերցնել հարակից օպերատորներից:
Սառնամանիքների պատճառով ԱՄՆ-ում նավթի գինը հասել է մոտ 13 ամսվա ամենաբարձր ցուցանիշին: Նախորդ ամսվա գազի ֆյուչերսները ևս ցատկել են՝ հասնելով երեք ամսվա առավելագույնին:
Նավթի և վառելիքի արտահանման համար առանցքային համարվող 53 մղոն երկարությամբ Հյուսթոնի ջրանցքը երեքշաբթի օրվա ընթացքում բացվել է նավերի մի մասի երթևեկության համար, բայց սպասվում է, որ կրկին կփակվի երեկոյան սպասվող սաստիկ ցրտերի պատճառով:
Տաթև Ֆռանգյան
