30.06.2026 | 18:44
Թուրքիան գնահատում է SAMP-T և Patriot համակարգերի ձեռքբերման հնարավորությունը՝ իր հակաօդային պաշտպանությունն ամրապնդելու համար
Թուրք-կիպրացիների ղեկավարը հայտարարել է, որ իրենք համաձայն չեն ապրել հունական լծի տակ
Քաղաքականություն
16.02.2021 | 16:18
Ինքնահռչակ Հյուսիսային Կիպրոսի Թուրքիայի Հանրապետության նախագահ Էրսին Տատարը հայտարարել է, որ թուրք-կիպրացիները երբեք չեն հրաժարվի իրենց ինքնիշխանությունից, քանի որ չեն պատրաստվում ապրել «հունական լծի տակ», հայտնում է ՏԱՍՍ-ը։ Թուրք-կիպրացիների հռետորաբանության սրումը հույն-կիպրացիների հասցեին գրանցվել է Կիպրոսի կարգավորման հարցով գագաթնաժողովից առաջ, որը պետք է անցկացնի ՄԱԿ-ի գլխավոր քարտուղար Անտոնիո Գուտերեշը։
«Կիպրոսում թուրքական զորքերի առկայությունը, մեր ինքնիշխանությունն ու քաղաքական հավասարությունը մեզ համար կարմիր գծերն են, որոնցից երբեք չենք հրաժարվի: Որովհետև դրանցից հրաժարվելը նշանակում է լինել Հունաստանի լծի տակ», – հայտարարել է Տատարը։
Այս չճանաչված պետության ղեկավարը հասկացնել է տվել, որ իր հայտարարության համար առիթ է դարձել ՄԱԿ-ում Կիպրոսի մշտական ներկայացուցիչ Անդրեաս Մավրոյանիսի հայտարարությունը, որը պարզաբանել է, որ հույն-կիպրական կողմը չի կարող ընդունել ինքնիշխանության հավասարության սկզբունքը, քանի որ այն վերջ կդնի Կիպրոսի Հանրապետությանը։ Ինքնահռչակ Հյուսիսային Կիպրոսի Թուրքիայի Հանրապետության ղեկավարն այս կապակցությամբ հայտարարել է, որ մշտական ներկայացուցչի նման դիրքորոշումը ապացուցում է, որ հույն-կիպրացիների մենթալիտետը չի փոխվել ու իրենք իրենց համարում են կղզու միակ սեփականատերեր, որտեղ թուրք-կիպրաիներին դասում են փոքրամասնության շարքերը։
Տաթև Ֆռանգյան
